Թուրքիայի խորհրդարանի հայ պատգամավոր Կարո Փայլանը ՌՈՒՍԱՐՄԻՆՖՈ-ի եթերում հայտարարել է Հայաստան գալու մասին։
Փայլանը հայերենով ասել է, որ պատրաստվում է այս տարվա մարտ-ապրիլ ամիսներին այցելել Հայաստան՝ իշխանությունների հետ երկխոսություն հաստատելու նպատակով։
«Ես պետք է հանդիպեմ պարոն Փաշինյանի և այլ քաղաքական գործիչների հետ քննարկումների, արդարության և խաղաղության հաստատման համար»,- ասել է նա։
Քաղաքական գործիչը հավելել է նաև, որ ինքը կմեկնի ոչ միայն Հայաստան, այլև այն երկրներ, որտեղ ապրում է հայկական սփյուռքը՝ բարձրացնելու հայ-թուրքական հարաբերությունների կարգավորման հարցը։
Փայլանը նշել է, որ անձամբ իր համար Հայաստանի և Թուրքիայի միջև հարաբերությունների կարգավորումը երազանք է, որի համար ինքը պայքարելու է։
Ավելի վաղ ՌՈՒՍԱՐՄԻՆՖՈ-ի եթերում Կարո Փայլանը մեկնաբանել էր հայ-թուրքական հարաբերությունների կարգավորման գործընթացը։
Մանրամասները՝ տեսանյութում։