Վրաստանի վարչապետ Իրակլի Ղարիբաշվիլին Հայաստանի վարչապետ Նիկոլ Փաշինյանին և նրա գլխավորած պատվիրակությանը հրավիրել է աշխատանքային ընթրիքի։
Վրաստանի կառավարության մամուլի ծառայությունը հայտնում է, որ ընթրիքը տեղի է ունեցել Մթածմինդա լեռան վրա գտնվող «Ֆունիկլյոր» ռեստորանային համալիրում։
Երկու երկրների կառավարությունների ղեկավարները ռեստորան են հասել ճոպանուղիով, որտեղից գեղեցիկ տեսարան է բացվում դեպի գիշերային Թբիլիսի։
Ավելի վաղ Հայաստանի և Վրաստանի վարչապետների գլխավորությամբ Թբիլիսիում տեղի է ունեցել երկու երկրների տնտեսական համագործակցության միջկառավարական հանձնաժողովի 11-րդ նիստը։
Նիկոլ Փաշինյանը և Իրակլի Ղարիբաշվիլին կարևորել են երկկողմ առևտրատնտեսական հարաբերությունների հետագա զարգացումն ու ամրապնդումը։
Ավելի վաղ ՌՈՒՍԱՐՄԻՆՖՈ-ի թղթակցի հետ զրույցում Վրաստանի հարցերով փորձագետ Ջոնի Մելիքյանը մեկնաբանել էր ՀՀ վարչապետ Նիկոլ Փաշիշյանի այցը Վրաստան։