Հայաստանի Հանրապետության Արտաքին գործերի նախարարության մամուլի քարտուղար Վահան Հունանյանն անդրադարձել է Ադրբեջանին ԵԱՏՄ դիտորդի կարգավիճակ տալու հարցի շուրջ քննարկումներին։
Նրա խոսքով ՝ այս պահի դրությամբ որևէ պետության կողմից Եվրասիական տնտեսական միությունում դիտորդի կարգավիճակ ստանալու հայտ չկա։
Արմենպրեսին տված հարցազրույցում Վահան Հունանյանն ասել է՝ որևէ պետությանը դիտորդի կարգավիճակ տրամադրելու հարցը պահանջում է կոնսեսուսային որոշում, իսկ մինչ այդ, ԵԱՏՄ շրջանակներում պետք է անցկացվեն խորհրդակցություններ և քննարկումներ, այդ թվում՝ որևէ պետության դիտորդի կարգավիճակ շնորհելու նպատակահարմարությունը պարզելու համար։
Ավելի վաղ ՌՈՒՍԱՐՄԻՆՖՈ-ն հայտնել էր, որ Ղազախստանի նախկին նախագահ, Եվրասիական բարձրագույն տնտեսական խորհրդի պատվավոր նախագահ Նուրսուլթան Նազարբաևը Ադրբեջանին որպես դիտորդ հրավիրել է ԵԱՏՄ: