Դեկտեմբերի 8-ի երեկոյան Ադրբեջանի զինված ուժերի ստորաբաժանումները տարբեր տրամաչափի հրաձգային զինատեսակներից կրակ են բացել Հայաստանի զինված ուժերի մարտական դիրքերի ուղղությամբ։
ՊՆ մամուլի ծառայությունից հայտնում են, որ ադրբեջանցիները կրակել են հայ-ադրբեջանական սահմանի արևելյան հատվածում տեղակայված դիրքերի ուղղությամբ։
Հայկական կողմի պատասխան գործողությունների արդյունքում հակառակորդի կրակը ճնշվել է, զոհեր և վիրավորներ չկան։
Հայաստանի պաշտպանության նախարարությունը կոչ է անում Ադրբեջանին զերծ մնալ սադրիչ գործողություններից։
Ավելի վաղ ՌՈՒՍԱՐՄԻՆՖՈ-ն հայտնել էր, որ վիրավորվել է Հայաստանի զինված ուժերի զինծառայող։