ՌՈՒՍԱՐՄԻՆՖՈ-ի եթերում ՀՀ ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը խոսել է Հայաստանի, Ռուսաստանի և Ադրբեջանի ղեկավարների՝ Սոչիում կայացած եռակողմ բանակցությունների արդյունքների մասին։
Վարդանյանի խոսքով՝ հայկական և ադրբեջանական կողմերը գոհ են եղել բանակցությունների արդյունքներից․ դրանք ավարտվել են երկու կողմի հաղթանակով։
«Եզրափակիչ հայտարարությունն արտացոլում է այն հարցերը, որոնք երկուստեք հետաքրքրություն են ներկայացնում։ Եվ, ըստ էության, կողմերից ոչ մեկը չի կարող հայտարարել, որ բանակցություններում հաղթել կամ պարտվել է»,- ասել է պատգամավորը։
Վլադիմիր Վարդանյանը հավելել է, որ Սոչիի բանակցությունները կարևոր էին նաև այն տեսանկյունից, որ սահմանին իրավիճակը լարված էր, և անհրաժեշտ էր թուլացնել այդ լարվածությունը։
Ավելի վաղ ՌՈՒՍԱՐՄԻՆՖՈ-ին տված հարցազրույցում ռուս քաղաքագետ Կոնստանտին Կալաչովն ասել էր, որ Սոչիում կայացած բանակցություններում Հայաստանը կարողացել է հասնել առավելագույնի։
Մանրամասները՝ տեսանյութում։