ՌՈՒՍԱՐՄԻՆՖՈ-ի եթերում «Մարտական եղբայրություն» կազմակերպության համահիմնադիր, արցախյան 44 –օրյա պատերազմի մասնակից Վան Ահարոյանը, որպես ականատես, պատմել է Ադրբեջանի վերջին հարձակման մասին։
Նրա խոսքով՝ հայ զինծառայողներին հաջողվել է կասեցնել Ադրբեջանի հերթական հարձակումը, և եթե ռազմական գործողությունները չդադարեին, կարելի էր սպասել հայկական կողմի հակահարձակմանը։
«Զորքը վճռական էր տրամադրված հակահարձակման անցնելու, նախաձեռնությունն իրենց ձեռքը վերցնելու և առաջ գնալու համար: Մենք պատրաստվում էինք հակահարձակման»,- ասել է նա։
Վան Ահարոյանը նշել է, որ այս անգամ ադրբեջանական կողմը չէր սպասում նման արձագանքի և թերագնահատել էր հայկական կողմի հնարավորությունները։
Ավելի վաղ ՌՈՒՍԱՐՄԻՆՖՈ-ի թղթակցի հետ զրույցում Ադրբեջանի հարցերով փորձագետ Տարոն Հովհաննիսյանն ասել էր, որ նախորդ տարվա պատերազմում գրանցված հաջողությունների ֆոնին Ադրբեջանը փորձում է ճնշում գործադրել Հայաստանի վրա։
Մանրամասները՝ տեսանյութում։