Friday , December 3 2021
amru
Home / Էքսկլյուզիվ / Ես իրավունք ունեմ ձեզ ուղարկելու Վարդաշեն. Բաբայանը՝ հող հանձնողների մասին Տեսանյութ

Ես իրավունք ունեմ ձեզ ուղարկելու Վարդաշեն. Բաբայանը՝ հող հանձնողների մասին Տեսանյութ

Արցախի Անվտանգության խորհրդի նախկին քարտուղար, արցախյան առաջին պատերազմում Պաշտպանության բանակի հրամանատար Սամվել Բաբայանը ՌՈՒՍԱՐՄԻՆՖՈ-ի եթերում խոսել է 44-օրյա պատերազմի հանգամանքներն ուսումնասիրող հանձնաժողովի առաջիկա աշխատանքների մասին։

Սամվել Բաբայանը, որը նույնպես ընդգրկված է հանձնաժողովի կազմում, ասել է, որ ընդդիմադիր շրջանակները դժգոհ են, քանի որ գիտեն՝ պատերազմի ժամանակ ինքը եղել է Արցախում և գիտի՝ ինչ է տեղի ունեցել և ով ինչի համար պետք է պատասխան տա։

«Եթե դու մտավախություն չունես, քեզ համար ի՞նչ տարբերություն, թե ով է ընդգրկված հանձանժողովի կազմում։ Ես ինքս պատրաստ եմ պատասխանել բոլոր հարցերին, եթե այդպիսիք կան», – ասել է նա։

Մասնավորապես՝ Բաբայանը Շուշիի պաշտպանության ձախողման մեջ մեղադրել է որոշ հրամանատարների։ Բաբայանի խոսքով՝ Շուշիի պաշտպանության օպերացիա է մշակվել, սակայն այն չի իրագործվել։ Արդյունքում զինծառայողներին ուղարկել են բաց տարածք, և մի քանի հարյուր հայ զինծառայողներ զոհվել են։

«Չե՞ք ուզում պատասխան տալ սրա համար։ Եկեք պարզենք, թե ով պետք է պատասխան տա, ովքեր են եղել այս հատվածների հրամանատարները։ Երբ մեկին ասում ես՝ դու էիր, ասում է՝ չէ, ուրիշն էր։ Բայց ես գիտեմ, թե ով, որտեղ է եղել, ինչ է տեղի ունեցել»,- ասել է նա։

Բաբայանը հայտարարել է, որ Արցախյան առաջին պատերազմում, 1000 տարվա մեջ Հայաստանն առաջին անգամ իր շնորհիվ է վերադարձրել հողերը։

«Դա առաջին անգամ տեղի է ունեցել իմ գլխավորությամբ։ Մի մոռացեք։ Հիմա ես պարտավոր եմ ուսումնասիրել և ձեզ՝ այս հողերը հանձնողներին, ուղարկել Վարդաշեն (բանտ Երևանում-խմբ.)»,- ասել է Բաբայանը։

Խոսելով պատերազմի ելքի պատճառների մասին, Սամվել Բաբայանը նշել է, որ հայ սպաների մեջ եղել են որակավորում չունեցող բազմաթիվ մարդիկ։ Նա ընդգծել է, որ Հայաստանը պետք է արագ վերակառուցի բանակը։

Ավելի վաղ ՌՈՒՍԱՐՄԻՆՖՈ-ն հայտնել էր, որ ՀՀ պաշտպանության նախարար Արշակ Կարապետյանն այցելել է Արցախ։

Leave a Reply

Կարդացեք նաև

Քոչարյանի պայմանը. կա՛մ փաստաթուղթը կլինի հայանպաստ, կա՛մ ընդհանրապես չի լինի Տեսանյութ

ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը ՌՈՒՍԱՐՄԻՆՖՈ-ի եթերում մեկնաբանել է …