Rusarminfo Российско-Армянское информационное агентство
Մոսկվայում Ադրբեջանի դեսպանատունը հանդես է եկել հայտարարությամբ՝ Արցախի Արտաքին գործերի նախարար Դավիթ Բաբայանի Ռուսաստան կատարած աշխատանքային այցի վերաբերյալ:
Azertac-ի փոխանցմամբ՝ ՌԴ-ում Ադրբեջանի դեսպանատունը դիմել է համապատասխան կառույցներին Արցախի արտգործնախարար Դավիթ Բաբայանի՝ ՌԴ- կատարած այցի և քաղաքական շրջանակների հետ նրա հանդիպումների վերաբերյալ տեղեկություններ ստանալու համար:
«Ռուսական կողմից ստացված տեղեկատվության համաձայն` այս ուղևորությունը կրում էր բացառապես մասնավոր բնույթ, չի համարվում պաշտոնական և տվյալ անձի հետ որևէ քաղաքական խորհրդակցություն չի իրականացվել»,- ասված է դեսպանատան հաղորդագրության մեջ:
Դեսպանատունը նաև մեղադրել է հայկական ԶԼՄ-ներին սադրանքների և ադրբեջանա-ռուսական համագործակցությունը ստվերելու մեջ:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանը միջազգային կառույցների ներկայացուցիչներին ուղղորդում է՝ ինչպես այցելել Արցախ:
