Եթե հաստատվի ժամկետանց հրթիռ արտահայտությունը, դա բավարար է ծանրագույն վճիռ կայացնելու համար, բանակը վարկաբեկող մնացյալ ապացույցներն, ընդամենը մանրադրամ կլինեն այդ անհայրենիք գործարքում, որին հաստատ տիրապետել է նաև թշնամին, և խայտառակությունը հենց դա է: լավ, ինչ է նշանակում ժամկետանց հրթիռ ամեն ժամ պատերազմի սպասող երկրում: Այսինքն ինչ է ստացվում. այդ գործարքի երևացող ու չերևացող շահառուներին չի բավարարել պարզ ատկատը մարտական հրթիռների առևտրից, ինչպես սովորաբար արվել է, ասենք գոմեշի մսի դեպքի նման: Ի վերջո, գոմեշի մսից, կամ ժամկետանց բրնձից ու որդնած ձավարից զինվոր չի մահացել, իսկ, այ հրթիռը, էլ չեմ ասում թշնամու սարսափ ներկայացրած, որը մեր պաշտպանական ծախսերի զարդն էր բյուջետային թղթերի վրա, պատերազմում դարձավ մեր տղաների սև թուղթը: Պատերազմի մեծ մեղքը սա է, ոչ թե դատարանում ապացուցված հանցանքը, որին շուտով կմիանա անմեղսունակության քաղաքական ֆարսը, որն արդեն լցվում է հայկական լրահոս իր ամբողջ պաթոլոգիայով: Այնպես որ, ովքեր էլ լինեն մեծ մեղքի մասնակիցները, դեռ չի եղել դեպք, որ դատարանը մեղքից քավության որոշում կայացնի…
Նվեր Մնացականյան