Լապշինի «սադրանքը» աշխատեց. Բաքուն դիմել է ՄԻԵԴ – Rusarminfo
Thursday , October 28 2021
amru
Home / Լրահոս / Լապշինի «սադրանքը» աշխատեց. Բաքուն դիմել է ՄԻԵԴ

Լապշինի «սադրանքը» աշխատեց. Բաքուն դիմել է ՄԻԵԴ

Բլոգեր Ալեքսանդր Լապշինը ֆեյսբուքյան իր էջում հայտնել է, որ Ադրբեջանը բողոք է ներկայացրել ՄԻԵԴ՝ Բաքվի բանտում իր մահափորձի փաստով գործը վերանայելու համար:

Բողոքը կքննվի 2021 թվականի հոկտեմբերի 11-ին: Լապշինը նշել է, որ գործի վերանայման փաստը լիովին բխում է իր շահերից:

«4 ամիս առաջ՝ մայիսի 20-ին, երբ Ստրասբուրգի Եվրոպական դատարանը վճռեց, որ Ադրբեջանը մեղավոր է ճանաչվել իմ դեմ խոշտանգումների և սպանության փորձերի համար, ես ասացի, որ դրանք կենթարկվեն բողոքարկման: Եվ դա անհրաժեշտ է, քանի որ, ըստ վիճակագրության, որոշումների 98.5% -ը մնում է ուժի մեջ և չի վերանայվում: Ավելին, ցանկացած պետության համար ամոթալի է գործը կրկնակի տանուլ տալ Վերաքննիչ դատարանում (Grand Chamber): Սա կրկնակի վնաս է Ադրբեջանի հեղինակությանը»,- գրել է բլոգերը:

Լապշինի խոսքով՝ իմանալով ադրբեջանցիների մտածելակերպը՝ ինքն ակնկալում էր, որ նրանք հայց կներկայացնեն գործը վերանայելու համար, և բոլոր լրատվամիջոցները կրկին կբարձրաձայնեն հրեա լրագրողի մահափորձի թեման՝ օֆշորային սկանդալի ֆոնին, որտեղ շոշափվում է Ալիեւ ընտանիքի անունը:

Ավելի վաղ ՌՈՒՍԱՐՄԻՆՖՈ-ն հայտնել էր, որ Մարդու իրավունքների եվրոպական դատարանը Ադրբեջանի իշխանություններին մեղավոր է ճանաչել Ալեքսանդր Լապշինի դեմ սպանության փորձ կատարելու համար:

Leave a Reply

Կարդացեք նաև

Արդյո ՞ ք նախընտրական համաձայնություն է եղել Հայաստանի իշխանությունների և ընդդիմության միջև. Ուրիխանյան Տեսանյութ

«Ալյանս» կուսակցության նախագահ, ԱԺ նախկին պատգամավոր Տիգրան Ուրիխանյանը ՌՈՒՍԱՐՄԻՆՖՈ-Ի եթերում մեկնաբանել է բողոքի ակցիաները, որոնք …