Իրանը փակել է իր օդային տարածքը ադրբեջանական օդուժի համար, որը ռազմական մատակարարումներ է իրականացնում Նախիջևան:
Haqqin.az-ի փոխանցմամբ՝ Իրանի կառավարությունը որոշման մասին ադրբեջանական կողմին հայտնել է պաշտոնական ռազմական ուղիներով:
«Բաքուն պաշտոնական Թեհրանի այս որոշումը համարում է հերթական դավաճանությունն ընդդեմ Ադրբեջանի, որն ընդունվել է Հայաստանի կառավարության դրդմամբ»,- գրում է պարբերականը:
Հաղորդագրության մեջ նշվում է, թե «Իրանի դավաճանությունը» էական վնաս չի պատճառի Ադրբեջանին, քանի որ Բաքուն Նախիջևանի զորամասերին մատակարարելու հարցում, նախընտրում է այլ ուղիներ:
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի նախագահ Իլհամ Ալիևը արձագանքել է իրանական կողմի այն հայտարարություններին, թե «իսրայելական ներկայություն» կա ադրբեջանա-իրանական սահմանին: