Շերը նշում է տարեդարձը. Յունիվերսալը ֆիլմ է նկարում աշխարհահռչակ հայուհուն

Հայկական ծագմամբ ամերիկացի երգչուհի Շերը(Շերլին Սարգսյան) նշել է ծննդյան 75-րդ ամյակը:

Ծննդյան օրը Շերն իր թվիթերյան էջում երկրպագուներին հայտնել է, որ Յունիվերսալ (Universal Pictures) ընկերությունը կենսագրական ֆիլմ է նկարում իր մասին:

Վավերագրական ֆիլմի վրա աշխատելու են երաժշտական պրոդյուսեր Ջուդի Կրեյմերը և պրոդյուսեր Գերի Գետսմանը,սակայն ֆիլմը դեռևս չունի անվանում:

«Ես և Գերին շատ ուրախ ենք ներկայացնել Շերի ոգեշնչող ոդիսականը մեծ էկրանին: Անհնար է չոգեշնչվել Շերի տաղանդով, ոգու ուժով, եզակի խելացիությամբ, ջերմությամբ և հեռատեսությամբ: Երաժշտության, կինոյի և հեռուստատեսության մեջ նրա անօրինակ հաջողությունը սերունդներ է ոգեշնչել: Մենք շատ ուրախ ենք կինոդիտողներին ներկայացնել նրա պատմությունը»,- ասել է Ջուդի Կրեյմերը:

Շերը ծնվել է 1946 թվականի մայիսի 20-ին Կալիֆորնիայի Էլ Սենտրո քաղաքում: Հայրը՝ հայաստանցի Ջոն Սարգսյանն է, իսկ մայրը՝ ամերիկացի դերասանուհի Ջորջիա Հոլտը: Շերն իր հայկական արմատների մասին իմացել է միայն 11 տարեկանում, երբ առաջին անգամ հանդիպել է հորը:

Ավելի վաղ ՌՈՒՍԱՐՄԻՆՖՈ- ն հրապարակել էր Շերլին Սարգսյանի հազվագյուտ լուսանկարը, որն արվել էր 1993 թվականին՝ նրա Հայաստան առաջին այցի ընթացքում: