Rusarminfo Российско-Армянское информационное агентство
Ռուսաստանի ֆուտբոլի ազգային հավաքականի գլխավոր մարզիչ Ստանիսլավ Չերչեսովը հրապարակել է թիմի ընդլայնված կազմը, որը 2021 թվականի ամռանը պպետք է մասնակցի Եվրոպայի առաջնությանը:
Հրավիրված ֆուտբոլիստների թվում է 17-ամյա կիսապաշտպան Արսեն Զախարյանը:
Հրավերը Ռուսաստանի հավաքական առաջինն է Զախարյանի կարիերայում: Նախկինում Մոսկվայի «Դինամոյի» կիսապաշտպանը խաղացել է Ռուսաստանի երիտասարդական հավաքականում:
Չերչեսովի ցուցակում ընդգրկված են 30 խաղացողներ: Թիմի հավաքը կայանալու է մայիսի 20-ին, Մոսկվայի մարզում: Վերջնական կազմը հայտնի կդառնա մայիսի վերջին ուսումնամարզական հավաքից հետո։ Թիմում կլինեն 26 ֆուտբոլիստներ, որոնք Եվրո-2020-ում կխաղան Դանիայի, Բելգիայի և Ֆինլանդիայի ազգային հավաքականների հետ:
Արսեն Զախարյանը Եվրոպայի ամենատաղանդավոր երիտասարդ ֆուտբոլիստներից մեկն է: Բացի Ռուսաստանի հավաքականից, նա նաև առաջարկ ունի հանդես գալու Հայաստանի ազգային հավաքականում:
Ավելի վաղ ՌՈՒՍԱՐՄԻՆՖՈ-ն հայտնել էր, որ Մոսկվայի «Դինամոն» Արսեն Զախարյանին նոր պայմանագիր է առաջարկել, համաձայն որի նա երեք տարվա ընթացքում կվաստակի ավելի քան 2 միլիոն եվրո:
