Rusarminfo Российско-Армянское информационное агентство
Ադրբեջանի «Հեյդար Ալիև» հիմնադրամը հայտարարել է, որ Շուշիում ապամոնտաժվել են քաղաքի կենտրոնում գտնվող հուշարձան-աղբյուրի հայերեն գրություններն ու խորհրդանիշերը:
«Ներկայումս հայերի կողմից ավելացված բոլոր խորհրդանիշներն ու գրությունները ապամոնտաժվել են, աղբյուրը վերականգնվում է նախկին տեսքով»,- գրել է haqqin.az- ը:
Կայքի հրապարակած լուսանկարներում, որոնք արվել են մինչ ապամոնտաժումը, երևում են հայերեն և ռուսերեն գրություններ՝ նվիրված Թադևոս Թամիրյանին, ինչպես նաև հայկական ազգային և կրոնական խորհրդանիշեր:
Զորի Բալայանը իր «Ղարաբաղյան էտյուդներ. Դժոխքի և դրախտի միջև» գրքում պատմում է, որ աղբյուրի հուշարձանը կառուցվել է շուշեցի Թադևոս Թամիրյանի միջոցներով, որը նաև քսան կիլոմետր երկարությամբ ջրատար է կառուցել քաղաքի համար։
Ավելի վաղ ՌՈՒՍԱՐՄԻՆՖՈ-ն հայտնել էր, որ Ադրբեջանի նախագահ Իլհամ Ալիևը Շուշին հայտարարել է Ադրբեջանի մշակութային մայրաքաղաք:
