Հայաստանում կա՞ն արդյոք ադրբեջանցի գերիներ. Արտաքին գործերի նախարարության պատասխանը

Հայաստանի արտգործնախարարությունը մեկնաբանել է միջազգային կառույցների հայտարարությունները, որոնք կոչ են անում արցախյան հակամարտության կողմերին փոխանակել բոլոր գերիներին:

«Հայաստանը լիովին կատարել է 2020-ի նոյեմբերի 9-ի եռակողմ հայտարարության 8-րդ կետով ստանձնած իր պարտավորությունները և վերադարձրել է բոլոր ադրբեջանցի ռազմագերիներին, այդ թվում` 2014-ին անչափահասի սպանության համար դատապարտված երկու անձանց»,- ասել է ԱԳՆ խոսնակ Աննա Նաղդալյանը:

Նա ավելացրել է, որ տարբեր երկրների և միջազգային կազմակերպությունների կողմից Ադրբեջանի վրա աճող ճնշումը ցույց է տալիս, որ աշխարհում կոնսենսուս է ձևավորվում պատանդ պահվող հայ ռազմագերիների և խաղաղ բնակիչների անհապաղ վերադարձի շուրջ:

Ավելի վաղ ՌՈՒՍԱՐՄԻՆՖՈ-ն հայտնել էր, որ մայիսի 4-ին Ադրբեջանից երեք ռազմագերիներ են վերադարձել Հայաստան: