Պուտինը՝ Աֆեյանի պատվաստանյութը աշխարհում լավագույնը ճանաչելու մասին – Rusarminfo
Wednesday , June 23 2021
amru
Home / Լրահոս / Պուտինը՝ Աֆեյանի պատվաստանյութը աշխարհում լավագույնը ճանաչելու մասին

Պուտինը՝ Աֆեյանի պատվաստանյութը աշխարհում լավագույնը ճանաչելու մասին

Պատվաստումների համաշխարհային համագումարը ամերիկյան Moderna Therapeutics ընկերության դեղամիջոցը, որի հիմնադիրն ու ղեկավարը ազգությամբ հայ ամերիկացի տեխնոլոգիական ինժեներ Նուբար Աֆեյանն է, ճանաչել է որպես Covid-19 կորոնավիրուսային վարակի դեմ լավագույն պատվաստանյութը աշխարհում:

Moderna պատվաստանյութը մրցանակ է շահել նաև Պատվաստանյութերի լավագույն նոր տեխնոլոգիա / պլատֆորմ անվանակարգում: Առաջադրվածների ցուցակում եղել են նաև ռուսական Sputnik V, AstraZeneca, Bharat Biotech, Janssen, Medicago, Novavax, Pfizer / BioNtech և կենդանիների համար նախատեսված Zoetis պատվաստանյութերը:

Ռուսաստանի նախագահ Վլադիմիր Պուտինը նույնպես արձագանքել է Moderna պատվաստանյութը աշխարհում լավագույնը ճանաչելու որոշմանը: Ռուսաստանի ղեկավարը հույս է հայտնել, որ կիրականանան փորձագետների կանխատեսումները, թե Moderna- ն կդառնա ժամանակակից, նորարարական դեղամիջոց:

«Բայց արդյոք իրականում դա այդպես կլինի, պարզ կդառնա միայն տասը տարի անց՝ արդյունքների վերլուծությունից հետո»,- Վլադիմիր Պուտինին է մեջբերում ՏԱՍՍ-ը:

Moderna Therapeutics-ի հիմնադիր Նուբար Աֆեյանը մի քանի տասնյակ գիտական ​​հրապարակումների հեղինակ է և ունի ավելի քան 100 արտոնագիր կենսատեխնոլոգիայի ոլորտում: Ռուսաստանցի գործարար Ռուբեն Վարդանյանի հետ նա «Ավրորա» մարդասիրական նախաձեռնության համահիմնադիրն է:

Ավելի վաղ ՌՈՒՍԱՐՄԻՆՖՈ-ն հայտնել էր, որ ամերիկյան Moderna բիոտեխնոլոգիական ընկերությունը հայտարարել է կորոնավիրուսի դեմ պատվաստանյութի փորձարկման առաջին հաջողությունների մասին:

Leave a Reply

Կարդացեք նաև

Մինչ քեզ ոչ ոք չի ասել հայերի ցեղասպանություն.Էրդողանը դժգոհ է Բայդենից

Թուրքիայի նախագահ Ռեջեփ Թայիփ Էրդողանը, հունիսին կայանալիք ՆԱՏՕ-ի գագաթնաժողովի շրջանակներում ԱՄՆ նախագահ Ջո Բայդենի հետ …