Rusarminfo Российско-Армянское информационное агентство
Ռուսաստանի նախագահ Վլադիմիր Պուտինը Դաշնային ժողովին ուղղված ուղերձում անդրադարձել է տարածաշրջանային հակամարտությունների, մասնավորապես, Լեռնային Ղարաբաղի հակամարտության կարգավորման խնդրին:
«Ռուսաստանը միշտ բաց է լայն միջպետական համագործակցության համար: Մենք հետևողականորեն կողմ ենք հանդես գալիս հենց ՄԱԿ-ի` համաշխարհային գործերում առանցքային դերի ամրապնդման ու պահպանման օգտին, ձգտում ենք աջակցել տարածաշրջանային կոնֆլիկտների կարգավորմանն ու արդեն շատ բան ենք արել Սիրիայում իրավիճակի կայունացման, Լիբիայում քաղաքական երկխոսության հարթման ուղղությամբ: Ռուսաստանը, ինչպես գիտեք, գլխավոր դերն է խաղացել Լեռնային Ղարաբաղում զինված հակամարտությունը դադարեցնելու հարցում»,- ասել է Վլադիմիր Պուտինը:
Ռուսաստանի նախագահը նաև նշել է, որ ԵԱՏՄ շրջանակներում ընդհանուր նախագծերը նպատակ ունեն ապահովել տնտեսության և քաղաքացիների բարեկեցության աճ:
Նրա խոսքով՝ այժմ կան նոր հետաքրքիր ուղղություններ, ինչպիսիք են տրանսպորտային-լոգիստիկ միջանցքների զարգացումը։ Պուտինը վստահություն է հայտնել, որ դրանք կդառնան «մեծ Եվրասիական գործընկերության հուսալի ենթակառուցվածքային շրջանակներ»:
Ավելի վաղ ՌՈՒՍԱՐՄԻՆՖՈՆ հայտնել էր, որ Ռուսաստանի և Հայաստանի ղեկավարներ Վլադիմիր Պուտինը և Նիկոլ Փաշինյանը Մոսկվայում կայացած հանդիպմանը քննարկել են երկկողմ հարաբերություններին առնչվող հարցեր:
