Saturday , December 10 2022
amru
Home / Լրահոս / Հայաստանը կարող է արգելափակել Ադրբեջանի մասնակցությունը ԵԱՏՄ նիստին

Հայաստանը կարող է արգելափակել Ադրբեջանի մասնակցությունը ԵԱՏՄ նիստին

ՀՀ փոխվարչապետ Մհեր Գրիգորյանը լրագրողների հետ զրույցում անդրադարձել է ԵԱՏՄ առաջիկա նիստին Ադրբեջանի հնարավոր մասնակցությանը: Նա չի բացառել, որ Հայաստանը կարող է արգելք դնել, եթե նման որոշում կայացվի։

Լրագրողների այն հարցին, թե արդյո՞ք պաշտոնական Երևանը բարձրացրել է գերիներին վերադարձնելու հարցը՝ որպես Ադրբեջանի մասնակցության համաձայնության նախապայման, փոխվարչապետը պատասխանել է, որ քննարկվում են բոլոր բաղադրիչները:

«Այս գործընթացը ենթադրում է համաձայնեցնել այլ երկրի՝ նիստին մասնակցելու հարցը, որը որևէ բովանդակային գործընթաց չի ենթադրում, պարզապես գալու է պահը, և մենք ասելու ենք՝ այո կամ ոչ»,- ասել է  Գրիգորյանը:

Փոխվարչապետն  ընդգծել է, որ Մոսկվայի հետ գերիների հարցը քննարկվում է կառուցողական ձևաչափով, և հույս է հայտնել, որ լուծումներ կգտնվեն:

Ավելի վաղ ՌՈՒՍԱՐՄԻՆՖՈՆ հայտնել էր, որ Ալիևը հայտարարել է, որ պատրաստ է Հայաստանի հետ խաղաղ համաձայնագիր կնքել:

Leave a Reply

Կարդացեք նաև

Հայաստանում քաղաքական պայքարն անցնում է բարոյականության սահմանը. Մելիքյան Տեսանյութ

Խոսքի ազատության պաշտպանության կոմիտեի նախագահ Աշոտ Մելիքյանը մեկնաբանել է ընդդիմադիր պատգամավորների ակցիան, որոնք հունիսի 8-ին …