Ապրիլի 13-ին Երևանի ընդհանուր իրավասության դատարանում սկսվել է ՀՀ երկրորդ նախագահ Ռոբերտ Քոչարյանի և 2008 թվականին Անվտանգության խորհրդի քարտուղար Արմեն Գևորգյանի նկատմամբ հերթական դատաքննությունը:
Նրանք մեղադրվում են խոշոր չափի կաշառք ստանալու մեջ: Ըստ մեղադրանքի` Ռոբերտ Քոչարյանը, օգտագործելով իր պաշտոնեական դիրքը, օգտակար հանածոներ շահագործող ընկերություններից մեկի վաճառելու գործարքին չխոչընդոտելու համար, 2008 թվականի փետրվարին և մայիսին ստացել է առանձնապես խոշոր չափերով՝ երեք միլիոն ԱՄՆ դոլար կաշառք:
Նույն այդ մեղադրանքով Արմեն Գևորգյանն էլ ստացել է մեկ միլիոն դոլար կաշառք: Բացի այդ, ըստ մեղադրական եզրակացության, Գևորգյանը թաքցրել և խեղաթյուրել է նշված գումարի իրական բնույթն ու ծագումը և օրինականացրել է առանձնապես խոշոր չափերով հանցավոր ճանապարհով ստացված եկամուտները:
Այսօրվա դատական նիստը հետաձգվել է:
Ավելի վաղ ՌՈՒՍԱՐՄԻՆՖՈՆ հայտնել էր, որ Ռոբերտ Քոչարյանը 4 միլիոն դրամ է պահանջում Նիկոլ Փաշինյանից: