Փորձագետ․ «Ալիևը մեկնել է Բեռլին՝ հասկանալու, թե ինչ նոր իրողություն է տիրում Հայոց ցեղասպանության ճանաչումից հետո» — Rusarminfo
Воскресенье , Май 28 2017
ВАЖНОЕ
Главная / Նորություններ / Փորձագետ․ «Ալիևը մեկնել է Բեռլին՝ հասկանալու, թե ինչ նոր իրողություն է տիրում Հայոց ցեղասպանության ճանաչումից հետո»

Փորձագետ․ «Ալիևը մեկնել է Բեռլին՝ հասկանալու, թե ինչ նոր իրողություն է տիրում Հայոց ցեղասպանության ճանաչումից հետո»

Հունիսի 6-ին Ադրբեջանի նախագահ Իլհամ Ալիևն աշխատանքային այցով ժամանել է Բեռլին։

Ալիևի՝ Բեռլին այցի և Բունդեսթագի կողմից Հայոց ցեղասպանության ճանաչման միջև կապն ակնհայտ է, ասում է Նորագույն պետությունների միջազգային ինստիտուտի տնօրեն Ալեքսեյ Մարտինովը։

«Եվրամիության առաջատար պետության խորհրդարանականների նման որոշումը սկզբունքային ազդեցություն ունի միության ներսում առկա փոխհարաբերությունների ողջ համակարգի, այդ թվում նաև՝ այդ պետությունների հետ Ադրբեջանի համագործակցության վրա», — RUSARMINFO-ի հետ զրույցում ասել է Ալեքսեյ Մարտինովը։

Ըստ փորձագետի՝ Ալիևը Բեռլին է մեկնել՝ հասկանալու, թե ինչ նոր իրականություն է ստեղծվել սեփական պետության շուրջ, բայց նա անգամ չի փորձի հանդես գալ որպես միջնորդ Մերկելի և Էրդողանի միջև, քանի որ այս պահին «նրան ամենից քիչ է հետաքրքրում թուրքական հարցը»։

«Այն, որ Բաքուն սատարեց Թուրքիային Բունդեսթագի քննադատության հարցում, նշանակում է միայն մեկ բան․ Ալիևն ու ողջ ադրբեջանական էլիտան այնքան մեծ կախում ունեն Էրդողանից, որ ստիպված են կուլ գնալ թուրքական հավակնություններին, ի հեճուկս առողջ տրամաբանությանն ու պատմությանը՝ ստեղծելով իրենց համար տնտեսական և քաղաքական խնդիրներ», — նշել է Ալեքսեյ Մարտինովը։

Հունիսի 2-ին Գերմանիայի Բունդեսթագն ընդունեց Հայոց ցեղասպանությունը ճանաչող և դատապարտող բանաձևը։ Խորհրդարանականների մեծ մասը կողմ քվեարկեց բանաձևին, մեկ պատգամավոր՝ դեմ, մեկ այլ անդամ՝ ձեռնպահ։ Ադրբեջանը միակ պետությունն էր, որը սատարեց Թուրքիային Գերմանիայի խորհրդարանի քննադատության հարցում՝ անվանելով փաստաթուղթը ոչ օբյեկտիվ և կողմնակալ։

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

Добавить комментарий