Rusarminfo Российско-Армянское информационное агентство
ՌԴ ԱԳ նախարարությունը անհնար է համարում բարեկամության և եղբայրության մասին 1921թ. մարտի 16-ին Մոսկվայում կնքված ռուս—թուրքական պայմանագրի չեղարկումը:
Որպես իր դիրքորոշման պարզաբանում ՌԴ ԱԳՆ—ն նշում է, որ միջազգային փորձը ցույց է տալիս, որ պետությունների միջև սահմանները հաստատող խաղաղ պայմանագրերը ենթակա չեն չեղարկման:
«Ելնելով վերոնշյալից՝ իրավական տեսանկյունից Վրաստանի, Հայաստանի և Ադրբեջանի հետ անցնող Թուրքիայի պետական սահմանագիծն, ինչպես նաև այդ պետությունների առանձին տարածքների կարգավիճակը հաստատող պայմանագրի չեղարկումը այդ սկզբունքների (միջազգային սկզբունքներ – խմբ.) հետ հակասության մեջ է մտնում», — նշված է ՌԴ ԱԳՆ եզրակացության մեջ:
Բացի այդ, ՌԴ արտաքին գերատեսչությունի
ՌԴ ԱԳ նախարարությունը վստահ է նաև, որ պայմանագրի չեղարկումը չի հանգեցնի որևէ փոփոխության և, ընդհակառակը, ապակայունացնող ազդեցություն կունենա Ռուսաստանի սահմաններին մոտ գտնվող Հարավային Կովկասի տարածաշրջանում տիրող ոչ կայուն իրավիճակի վրա, քանի որ այն ենթադրում է գոյություն ունեցող պետական սահմանների վերանայում:
Հիշեցնենք, որ 2016 փետրվարին ՌԴ Պետդումայի պատգամավորներ, Կոմունիստական կուսակցության քարտուղար Սերգեյ Օբուխովը և ՌԴԿԿ ԿԿ նախագահի տեղակալ Վալերի Ռաշկինը դիմել էին ՌԴ նախագահ Վ.Պուտինին և ԱԳ նախարար Ս.Լավրովին`առաջարկելով չեղյալ հայտարարել Ռուսաստանի Խորհրդային Դաշնային Սոցիալիստական Հանրապետության և Թուրքիայի միջև 1921թ. մարտի 16-ին կնքված բարեկամության և եղբայրության մասին Մոսկվայի պայմանագիրը:
