Պատժամիջոցներ Հայաստանի դեմ. Մուսթաֆա Ջեմիլևի նոր ուկրաինական առաջարկը — Rusarminfo
Понедельник , Октябрь 23 2017
ВАЖНОЕ
Главная / Նորություններ / Պատժամիջոցներ Հայաստանի դեմ. Մուսթաֆա Ջեմիլևի նոր ուկրաինական առաջարկը

Պատժամիջոցներ Հայաստանի դեմ. Մուսթաֆա Ջեմիլևի նոր ուկրաինական առաջարկը

Ղրիմի թաթարների ինքնակոչ «առաջնորդը», Ուկրաինիայի ժողովրդական պատգամավոր, Ղրիմի թաթար ժողովրդի հարցերով Ուկրաինայի նախագահի լիազոր ներկայացուցիչ Մուսթաֆա Ջեմիլևը կոչ է արել Հայաստանի դեմ կիրառել պատժամիջոցներ ղարաբաղյան հակամարտության պատճառով:

«Կարծում եմ, որ զավթիչ պետության (Հայաստանի, – խմբ.) նկատմամբ պատժամիջոցները պետք է լինեն բավականին արդյունավետ և ուղղված գրավյալ տարածքների շուտափույթ ազատագրմանը», — հայտարարել է Մուսթաֆա Ջեմիլևը ԵԽԽՎ-ում, որտեղ նա գտնվում է Փարիզ մեկնած ուկրաինական պատվիրակության կազմում:

Ղրիմի թաթարների առաջնորդը փորձում է հաճոյանալ իր հովանավորներին, առաջին հերթին` Թուրքիային և Ադրբեջանին, — ասում է ԱՊՀ ինստիտուտի տնօրեն Կոնստանտին Զատուլինը:

«Ջեմիլևը դրսևորում է համամուսուլմանական սոլիդարություն` հիշեցնելով, որ Ղրիմի թաթարների մեջլիսը Անկարայի և Բաքվի դաշնակիցն է: Սա ուղղված է իր հովանվորների և բարերարների շրջանակի ընդլայնմանն այս երկրներում», — RUSARMINFO-ի հետ զրույցում ասել է Կոնստանտին Զատուլինը:

Ադրբեջանը նկատելի չի եղել Ղրիմի թաթարների մեջլիսի հետ շփումներում, բայց Ջեմիլևը նման քայլեր է անում, որպեսզի այնտեղ վերջինիս ուշադրություն դարձնեն:

«Ղարաբաղյան հարցում Ջեմիլևը Թուրքիայի դիրքորոշումն է պաշտպանում և այս հայտարարությամբ ապացուցում է, որ հավատարիմ է նրան: Թուրքիան բացահայտ դեմ է հանդես գալիս Ղրիմի միավորմանը Ռուսաստանին և սադրում է Ադրբեջանին ղարաբաղյան հակամարտության սրման հարցում: Բայց այն հանգամանքը, որ Մուսթաֆա Ջեմիլևը Ուկրաինայի ժողովրդական պատգամավորն է, նշանակում է, որ նա որոշ առումով նաև ներկայացնում է Ուկրաինայի դիրքորոշումը ԼՂ հարցի շուրջ: Չնայած նրան, որ Ուկրաինան հայտարարում էր Հայաստանի և Ադրբեջանի հետ հավասար հարաբերությունների մասին, Ռուսաստանին Ղրիմի միացումից հետո Կիևը վերանայել է իր դիրքորոշումը` հօգուտ Ադրբեջանի», — նշել է Կոնստանտին Զատուլինը:

Նշենք, որ հայերը Ղրիմում բնակվել են դարեր շարունակ, իսկ XI-րդ դարի կեսերին` կազմել թվով երկրորդ ամենամեծ էթնիկ խումբը Ղրիմի թաթարներից հետո: Երբ 1475-ին թերակղզին անցել է թուրք օսմանների ենթակայության տակ, հայերի թիվն այնտեղ կրճատվել է: Նրանք վերադարձել են Ղրիմ 1783-ին, երբ թերակղզին կրկին անցել է Ռուսաստանին: 1913-ին Ղրիմում բնակվել է 9 հազար հայ, 1914-ին`մոտ 15 հազար: 2014-ի մարդահամարի տվյալներով, Ղրիմում ներկայումս բնակվում է 11 հազար հայ:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

ADISORD DESIGN