ՀԱՊԿ գլխավոր քարտուղար Նիկոլայ Բորդյուժան եռօրյա այցով մեկնել է Հայաստան: Հունվարի 26-ից 29-ը ՀԱՊԿ-ի գլխավոր քարտուղարը Հայաստանում կհանդիպի երկրի նախագահի, ով նախագահում է ՀԱՊԿ անդամ պետությունների նախագահների խորհրդում, ինչպես նաև մի շարք նախարարների հետ: Ռազմավարական կոնյուկուրաների ինստիտուտի ղեկավար, ռազմական փորձագետ Իվան Կոնովալովը ժամանակին և անհրաժեշտ է համարում Բորդյուժայի այցը Հայաստան: «Հայաստանը գտնվում է Սիրիայում տեղի ունեցող իրադարձությունների անմիջական հարևանությամբ: Եվ Ռուսաստանը, և Հայաստանը որպես ՀԱՊԿ անդամներ պետք է համաձայնեցնեն իրենց մոտեցումները ստեղծված իրավիճակի շուրջ»,- RUSARMINFO-ի հետ զրույցում ասել է փորձագետը: Խաղաղ ահաբեկչության թեման կընդգրկվի քննարկվելիք հարցերի շարքում: «Ներկա համաշխարհային ճգնաժամի պայմաններում, երբ ահաբեկչությունը գրոհում է, անհրաժեշտ է սերտ շփումներ հաստատել ՀԱՊԿ ուղղությամբ, և դրանք զարգացնել այլ ուղղություններով: Այսօր մեծ է կոնֆլիկտային իրավիճակի ներթափանցման հավանականությունը Աֆղանստանի տարածքով Մերձավոր Արևելքի և Կենտրոնական Ասիայի երկրներից», — նշել է փորձագետը:
Ըստ Կոնովալովի` անուշադրության չի մատնվի նաև ԼՂ հիմնախնդիրը: «Այն բանից հետո, երբ Թուրքիան հայտարարեց, որ մտադիր է ինչ-որ կերպ լուծել ղարաբաղյան խնդիրը, Ռուսաստանն ու Հայաստանը պետք է զգոն լինեն: Սադրիչ հայտարարություններից այն կողմ դեռևս քայլեր չեն ձեռնարկվել, բայց պետք է ամեն ինչի պատրաստ լինել», — նշել է ռազմական փորձագետը: Հիշեցնենք, որ ՀԱՊԿ-ի առաքելությունն ուղղված է անդամ պետությունների` կայունության և անվտանգության ամրապնդմանը տարածաշրջանային և միջազգային տեսանկյունից: Կառույցին անդամակցում են` Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը: