ՀՀ քաղաքացիները ՌԴ-ում ջերմոցներ են կառուցում թուրքական արտադրանքը փոխարինելու նպատակով — Rusarminfo
Суббота , Октябрь 21 2017
ВАЖНОЕ
Главная / Նորություններ / ՀՀ քաղաքացիները ՌԴ-ում ջերմոցներ են կառուցում թուրքական արտադրանքը փոխարինելու նպատակով

ՀՀ քաղաքացիները ՌԴ-ում ջերմոցներ են կառուցում թուրքական արտադրանքը փոխարինելու նպատակով

Սարատովի մարզում Հայաստանի քաղաքացիները զբաղվում են ջերմոցային տնտեսությունների զարգացմամբ: Միխայլովկա գյուղում գործարարներ Արմենակ Մկրտչյանն ու Արմեն Սարգսյանը 4 հա հող զբաղեցնող նոր ջերմոցներ են շահագործել: Ջերմոցների կառուցումը մեկնարկել է դեռ 2014-ին, նախագիծը կազմել է մոտ 1 մլրդ ռուբլի: 2015-ին գործարարները շահագործել են 5 հա հող զբաղեցնող առաջին ջերմոցային տարածքը: 12 հա հող զբաղեցնող և ներդրումների անհրաժեշտ չափով ապահովված նախագիծն ամբողջությամբ կիրականացվի մինչև 2018թ.-ը: Ջերմոցները կառուցված է հոլանդական նորագույն տեխնոլոգիաներով: Ողջ ջերմոցային համալիրի արտադրողականությունը կկազմի 5 հազ. տոննա բանջարեղեն տարեկան կտրվածքով. երկու հազարական տոննա լոլիկ և վարունգ, ինչպես նաև հազար տոննա պղպեղ: Հայ գործարարներն արդեն իսկ ռուսաստանցիների համար ստեղծել են 300 աշխատատեղ: Սարատովի մարզի նահանգապետ Վալերի Ռադաևը հայ գործարարների նախագիծը որակել է որպես հակառուսաստանյան պատժամիջոցներին ուղղված պատասխան քայլ:

«Նրանք ջերմոցներ են կառուցել բաց դաշտում: Այստեղ կիրառվել են նորագույն տեխնոլոգիաներ, որոնք այսօր առկա են ջերմոցային տնտեսություններում: Սա է մեր պատասխանը պատժամիջոցներին», — ասել է լրագրողներին նահանգապետը: Այս նախագիծը բխում է Ռուսաստանի շահերից` հաշվի առնելով թուրքական ապրանքների հանդեպ սահմանված արգելքները: Այս տարվա հունվարի 28-ին սպասվում է լոլիկի և վարունգի բերքահավաքը: Բանջարեղենը կիրացվի Սարատովի շուկաներում` փոխարինելով թուրքական արտադրանքին: Նշենք, որ Ռուսաստանի Գյուղնախարարության տվյալներով, անհրաժեշտ է կառուցել ևս 1,5 հազ. հա հող զբաղեցնող ջերմոցներ` երկիրը բանջարեղենով ապահովելու համար: Ներկայումս ջերմոցներն ապահովում են երկրի ներսում սպառվող բանջարեղենի միայն 33%-ը:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

ADISORD DESIGN