Շշալցված է Հայաստանում. Իրաքը մտադիր է փոխարինել թուրքական արևածաղկի ձեթը

Հայաստանը կարող է բուսական ձեթ արտահանել Իրաք` փոխարինելով տեղի շուկայում թուրքական արտադրողներին:

Իրաքի հյուսիս թուրքական զորքերի ներխուժումից հետո երկու պետությունների միջև հարաբերությունները սրվել են, իսկ իրաքյան կառավարությունը ցանկություն է հայտնել չշարունակել Թուրքիայի հետ համագործակցությունը:

Ինչպես հայտնում է Իրաքի կառավարության մամլո ծառայությունը, ավելի վաղ երկրի նախկին առևտրի Մուհամեդ Շիա Ալ-Սուդանին Բաղդադում ՀՀ դեսպան Կարեն Գրիգորյանի հետ քննարկել է Հայաստանից Իրաք բուսական ձեթ արտահանելու հարցը:

Բուսական ձեթը Իրաքում դասվում է հատուկ արտադրանքների շարքին: Տեղի կառավարությունն այն անվճար բաժանում է բնակչությանը սոցիալական աջակցության ծրագրի շրջանակներում: Տարիներ շարունակ Թուրքիան ապահովել է իրաքյան շուկան հենց այս արտադրանքով:

Նշենք, որ 2013-ին Հայաստանում սահմանվել է բուսական ձեթի արտադրության գերաճ, որը կազմել է 4,5 հազ. տոննա, այսինքն` 2012-ի ցուցանիշից երկու անգամ ավելի: Բացի տեղական արտադրանքից, հայաստանյան շուկայում առկա է նաև բուսական ձեթ` ներկրված Ռուսաստանից, Ուկրաինայից և Իտալիայից: