Բջջային հեռախոսների լուսանկարների ֆոտոխմբագրիչ PicsArt հավելվածն ընդգրկվել է Forbes ամսագրի «2015թ. ամենաթեժ ստարտափերի» ցանկում` զբաղեցնելով 5-րդ հորիզոնականը: Ըստ Forbes-ի` հայկական հավելվածն արդեն արժե 250 մլն դոլար:
Այսօր հավելվածից օգտվում է աշխարհում ավելի քան 250 հազար օգտատեր: Սա Հայաստանում ստեղծված ամենահայտնի ծրագիրն է: Այն ստեղծած ընկերության աշխատակիցների թիվը գերազանցում է հարյուրը, ևս 20 ծրագրավորող ներգրավված է ԱՄՆ-ից:
Հավելվածի օգնությամբ կարելի է լուսանկարել, տարբեր էֆեկտներ կիրառել, տեղադրել դիմակներ, շրջանակներ, սահմանագծեր, ավելացնել տեքստ, գրել մեկնաբանությունն
Հիշեցնենք, որ լուսանկարների մշակման PicsArt հայկական ստարտապը հիմանդրվել է 2010-ին, իսկ 2013-ի հունվարին հայտնվել Apple App Store-ում` կարճ ժամանակում դառնալով ամենահայտնի անվճար հավելվածներից մեկը: Հետագայում այն դարձել է հասանելի նաև Android-ի օգտատերերի համար: