Rusarminfo Российско-Армянское информационное агентство
ՌԴ նախագահի թվով 11-րդ մամլո ասուլիսին ռեկորդային թվով լրագրողներ են եղել հավատարմագրված. նրանց թիվը գերազանցել է 1390-ը: Ոմանք արժանացել են նախագահ Պուտինի և նրա մամլո խոսնակ Դմիտրի Պեսկովի ուշադրությանը` հնարավորություն ստանալով բարձրաձայնել նախապատրաստած հարցը, իսկ մյուսներին դա չի հաջողվել:
Դահլիճի պարտերի 7-րդ շարքում հարց տալու իր հերթին սպասող RUSARMINFO-ի լրագրողն արձանագրել է ադրբեջանցի գործընկերոջ պատրաստած հարցի տեքստը: Վերջինս նստած է եղել մեր լրագրողի դիմաց և իր ձեռքին եղած պաստառով անընդմեջ փորձել է փակել տեսադաշտը:
Պուտինին հասցեագրված ադրբեջանցի լրագրողի հարցը ներկայացնում ենք առանց մաքրագրության:
«Շատ փորձագետներ տարիներ շարունակ ասում են, որ Լեռնային Ղարաբաղի հիմնախնդրի բանալին գտնվում է Կրեմլում: Երբ այդ բանալին «տեղից կշարժվի» կամ «կվերցնեն այդտեղից» այդ բանալին: Ռուսաստանը ճանաչում է Ա-նի տարածքային ամբողջականությունը: Ինչն է խանգարում Ռուսաստանին ազդել Հայաստանի վրա, որպեսզի ազատեն այդ տարածքները»:
Հիշեցնենք, որ այս տարի Վ.Պուտինի մեծ մամլո ասուլիսը տևել է երեք ժամ և ութ րոպե: 32 լրագրողի, որոնցից 14-ը եղել են դաշնային, 13-ը` մարզային, իսկ 5-ը` արտասահմանյան լրատվամիջոցների ներկայացուցիչներ, հաջողվել է հարց հղել նախագահին:
