Четверг , 28 марта 2024
amru
Главная / Без рубрики / Արգենտինական ֆուտբոլային ակումբը հրաժարվել է Turkish Airlines-ի գումարներից Հայոց ցեղասպանության պատճառով

Արգենտինական ֆուտբոլային ակումբը հրաժարվել է Turkish Airlines-ի գումարներից Հայոց ցեղասպանության պատճառով

Արգենտինական «Ռասինգ» ֆուտբոլային ակումբը, որը վարում էր բանակցություններ Turkish Airlines ավիաընկերության հետ, հրաժարվել է վերջինիս հովանավորությունից: Ակումբի ղեկավարությունը հայտնել է, որ պատճառը Օսմանյան կայսերության կողմից 1915թ.-ին Հայոց ցեղասպանության իրականացումն ու ժամանակակից Թուրքիայի կողմից դրա ժխտումն է:

Հարավային Ամերիկայի հայ երիտասարդների միությունն արդեն իր երախտագիտությունն է հայտնել ֆուտբոլային ակումբի ղեկավարությանն այս քայլի համար: Համապատասխան նամակը տեղադրված է ֆուտբոլային ակումբի կայքում:

«Ֆուտբոլային խաղում շապիկն ու ակումբի գույները պետք է լինեն անբիծ: Երկրպագուները դրանց հետ են նույնականացնում ակումբը: Այդ իսկ պատճառով աշխարհի որևէ երկրպագու չի ցանկանա, որ իր ակումբը հովանավորի այն կառավարությունը, որը ոտնահարում է մարդու իրավունքները», — նշել է Հարավային Ամերիկայի հայ ազգային կոմիտեի ղեկավար Ալֆոնսո Տաբակյանը:

Նշենք, որ նույն պատճառով նախորդ դարի Ադրբեջանի հովանավորությունից հրաժարվել է արգենտինական «Սան Լորենսո» ֆուտբոլային ակումբը:

Добавить комментарий

Смотрите также

Alexander Gusyev: “Iran is building a road through Azerbaijan because of Armenian leadership’s indifference»

The draft plan on the new transit route, connecting Iran’s southern port of Bandar Abbas …