Rusarminfo Российско-Армянское информационное агентство
Դեկտեմբերի 10-ին Հայաստանի ֆուտբոլի ֆեդերացիայի գործադիր մարմնի նիստին ընդունվել է որոշում Վարուժան Սուքիասյանին նշանակել Հայաստանի ֆուտբոլի հավաքականի գլխավոր մարզիչ: Թեկնածությունն անցել է միաձայն, հայտնում է ՖՖ-ի մամլո ծառայությունը:
Սուքիասյանի թեկնածությունը առաջադրել էր ֆեդերացիայի նախագահ Ռուբեն Հայրապետյանը, ով մի քանի տարի առաջ Սուքիասյանին` եղբոր Երվանդի հետ միասին, մեղադրում էր Հայաստանի ֆուտբոլի հավաքականի մի քանի խաղ վաճառելու մեջ:
Նշենք, որ Հայաստանի հավաքականի նոր գլխավոր մարզչի զբաղեցրած նախավերջին պաշտոններից մեկը եղել է Երևանի թաղման բյուրոյի տնօրենի աթոռը: Մինչև նոր պաշտոնին նշանակումը 59 տարեկան Սուքիասյանը եղել է երևանյան «Արարատ» թիմի գլխավոր մարզիչը (սկսած` 2015-ի ապրիլի 28-ից):
Հիշեցնենք, որ Վարուժան Սուքիասյանը Հայաստանի ֆուտբոլի հավաքականի գլխավոր մարզչի պաշտնում փոխարինել է Սարգիս Հովսեփյանին:
