Пятница , 29 марта 2024
amru
Главная / Без рубрики / Ռազմական փորձագետ. Ադրբեջանի սադրանքները ղարաբաղյան ճակատում ուղղորդված են Թուրքիայի կողմից

Ռազմական փորձագետ. Ադրբեջանի սադրանքները ղարաբաղյան ճակատում ուղղորդված են Թուրքիայի կողմից

Ադրբեջանի կողմից ծանր սպառազինության, մասնավորապես` տանկերի օգտագործումը, հայկական տարածքների գնդակոծության նպատակով հակամարտության սրացմանն ուղղված քայլ է: Օգտագործվող սպառազինությունների կարողությունների ընդլայնումը գնդակոծության ընթացքում անհանգստության լուրջ առիթ է, — համոզված է ռազմական փորձագետ, ԱՊՀ ինստիտուտի եվրասիական ինտեգրման հարցերի և Շանհայան տնտեսական համագործակցության բաժնի ղեկավար Վլադիմիր Եվսեևը:

«Այս սրման մեջ մեծ դեր է խաղում Թուրքիան: Ադրբեջանը չի գործում առանց Թուրքիայի մասնակցության: Ռուս-թուրքական լարվածության պայմաններում իրավիճակի սրումը Լեռնային Ղարաբաղում, հայ-թուրքական սահմանին և Նախիջևանում բխում է Թուրքիայի շահերից», —RUSARMINFO-ի հետ զրույցում ասել է Եվսեևը:

Փորձագետը համոզված է, որ Անկարան սատարում է Բաքվին սադրիչ գործողություններ իրականացնելու հարցում` տրամադրելով Ադրբեջանին համազարկ հրթիռներ, որոնցով էլ ռմբակոծվում են Լեռնային Ղարաբաղի հայկական գյուղերը: Ըստ Եվսեևի` Թուրքիայի կողմից սպառազինությունների տրամադրումը Ադրբեջանին ապակայունացնում է իրավիճակը տարածաշրջանում, և դա պետք է անհապաղ դադարեցվի:

Հիշեցնենք, որ ՀՀ ՊՆ նախարար Սեյրան Օհանյանն արդեն հայտնել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկին Ադրբեջանի կողմից ծանր սպառազինության օգտագործման մասին:

Добавить комментарий

Смотрите также

Alexander Gusyev: “Iran is building a road through Azerbaijan because of Armenian leadership’s indifference»

The draft plan on the new transit route, connecting Iran’s southern port of Bandar Abbas …