Пятница , 29 марта 2024
amru
Главная / Без рубрики / Ղարաբաղում ԵԱՀԿ Մինսկի խմբի համանախագահները կորցրել են լսողությունն ու տեսողությունը

Ղարաբաղում ԵԱՀԿ Մինսկի խմբի համանախագահները կորցրել են լսողությունն ու տեսողությունը

Հոկտեմբերի 27-ին ԵԱՀԿ առաքելությունը դիտարկում է անցկացրել Լեռնային Ղարաբաղի և Ադրբեջանի շփման գծում` Մարտակերտ-Թարթար ճանապարհահատվածում` Մինսկի խմբի համանախագահների մասնակցությամբ: Դիտարկման ընթացքում Մինսկի խմբի համանախագահները և ԵԱՀԿ գործող նախագահի անձնական ներկայացուցիչը ԼՂՀ-ից անցել են Ադրբեջանի տարածք:

Սակայն դիտարկման ավարտի պահին գրանցվել է գնդակոծություն ավտոմատ հրազենից ադրբեջանական կողմից ԼՂՀ-ի ուղղությամբ: Այդուհանդերձ, չնայած ակնհայտ փաստի, Մինսկի խմբի համանախագահները որևէ կերպ չեն արձագանքել կատարվածին:

Նման դեպքերում ԵԱՀԿ-ն փորձում է չեզոք դիրք գրավել: Հետևաբար, պաշտոնական արձագանք նման խախտումների առնչությամբ չի լինի, — համոզված է Հասարակական-քաղաքական ուսումնասիրությունների կենտրոնի տնօրեն Վլադիմիր Եվսեևը:

«Եթե ամռանը մենք ականատեսն էինք Արևմուտքի քննադատությանը` հասցեագրված Ադրբեջանին, ապա ներկայումս փորձ է կատարվում Ադրբեջանի հետ արդյունավետ հարաբերություններ հաստատել, քանի որ Բաքուն ներկայումս իր հարաբերություններն է բարելավում Մոսկվայի հետ», — RUASRMINFO-ի հետ զրույցում ասել է ռազմական փորձագետը:

Բացի այդ, ԵԱՀԿ-ն կախված է «բրյուսելյան ժողովրդավարությունից», այնպես որ օբյեկտիվ գնահատական նրանցից պետք չէ ակնկալել:

Որոշ առումով ԵԱՀԿ-ն հետևում է ԱՄՆ-ի քաղաքական կուրսին, իսկ Վաշինգտոնը ոչ միտումնավոր վատթարացնում է հարաբերությունները ԱՄՆ-ի հետ: Այդ իսկ պատճառով էլ նրանք չեն ուռճացնի զինադադարի խախտման հարցը, չնայած նրան, որ դա տեղի է ունեցել իրենց իսկ աչքերի առաջ, — նշել է Եվսեևը:

Նշենք, որ ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովը /Բուլղարիա/ և Իրժի Աբերլեն /Չեխիա/: Շփման գծի հակառակ կողմից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնական Եվգենի Շարովը /Ուկրաինա/ և ԵԱՀԿ ԳՆԱՆ գրասենյակի աշխատակից Պետեր Սվեդբերգը:

Добавить комментарий

Смотрите также

Alexander Gusyev: “Iran is building a road through Azerbaijan because of Armenian leadership’s indifference»

The draft plan on the new transit route, connecting Iran’s southern port of Bandar Abbas …