Rusarminfo Российско-Армянское информационное агентство
«Ռուսաստանը դեպի Սիրիա ճանապարհներ է փնտրում Ղարաբաղի տարածքով» — այս խորագրով հոդված է այսօր հրապարակել Deutsche Welle-ն: Հրապարակման բուն ասելիքն այն է, որ Ռուսաստանին ծայրահեղ անհրաժեշտ են Ադրբեջանի ցամաքային ու օդային տարածքները, որոնք կապահովեն Ռուսաստանին տարանցիկ միջանցքով դեպի Սիրիա:
Կրեմլը ձգտում է առավելագույն նախաձեռնողականությամբ օգտագործել Ադրբեջանի և ԵՄ-ի միջև ծագած վեճը` հույս ունենալով, որ Ադրբեջանը կվերադառնա Ռուսաստանի ազդեցության տիրույթ, գրում է գերմանական աղբյուրը:
Բայց Deutsche Welle-ն սխալվում, — համոզված է ՌԻՍԻ-ի «Ազգային ռազմավարության խնդիրներ» ամսագրի գլխավոր խմբագիր Աժդար Կուրտովը:
«Ադրբեջանի տարածքով դեպի Սիրիա տարանցիկ ուղու մասին խոսելն անտրամաբանական է: Ռուսաստանը կարող է թռիչքներ կատարել դեպի Սիրիա Կասպից ծովի վրայով`շրջանցելով Ադրբեջանը: Չնայած այն հանգամանքին, որ 1995թ.-ին Ադրբեջանը հայտարարեց, որ Կասպից ծովի ողջ օդային տարածքը պատկանում է իրեն, մյուս մերձկասպյան պետությունները դա չեն ընդունում և կարող են օդային տարածքն օգտագործել` ելնելով սեփական նպատակներից», —RUASRMINFO-ի հետ զրույցում ասել է Աժդար Կուրտովը:
Հիշեցնենք, որ նախօրեին ԱՄՆ Պետքարտուղար Ջոն Քերրին հայտարարել էր, որ Մոսկվան Սիրիա է ուղարկում ռազմական ուղղաթիռներ և ինքնաթիռներ` բազմապատկելով Սիրիային իր կողմից տրամադրվող ռազմական օգնության ծավալները: Այս հարցում արևմտյան վերլուծաբանները փորձում են կանխատեսումներ անել հնարավոր տարանցիկ միջանցքների մասին, որոնք Ռուսաստանը կարող է օգտագործել Սիրիայի տարածք ռազմատեխնիկա տեղափոխելու նպատակով:
