Ադրբեջանում ԱՄՆ-ի նախկին դեսպան և Պետքարտուղարի Հարավային Կովկասի հարցերով նախկին օգնական Մեթյու Բրայզան «Вестник Кавказа» տեղեկատվական գործակալությանը տված հարցազրույցում հայտարարել է, որ Լեռնային Ղարաբաղն ու հարակից 7 շրջանները Ադրբեջանի անբաժան մասն են կազմում, այդ իսկ պատճառով սեպտեմբերի 13-ին Լեռնային Ղարաբաղում անցկացվելիք ընտրությունները լեգիտիմ չեն համարվի:
«Իհարկե, Մեթյու Բրայզան շատ կրթված մարդ է, բայց այս հարցում նա անգիտակ է», — մեկնաբանելով ամերիկյան նախկին պաշտոնյայի հայտարարությունը` նշել է REGNUM տեղեկատվական գործակալության գլխավոր խմբագիր Մոդեստ Կոլերովը: «Եթե իշխանությունը ընտրվում է ժողովրդի կողմից ազատ պայմաններում, իսկ Լեռնային Ղարաբաղի դեպքում դա այդպես է, ապա այդ ընտրությունները համարվում են լեգիտիմ: Լեգիտիմությունը որոշվում է ժողովրդի կողմից, այդպես է գրված Մեթյու Բրայզային հարազատ պետության (ԱՄՆ-ի — խմբ.) սահմանադրության մեջ», — նշել է Կոլերովը RUSARMINFO-ի հետ զրույցում: Ծիծաղել
ի կլիներ, եթե ԱՄՆ-ն 200 տարի առաջ սպասեր ինչ-որ մի Կուկուշկինի կամ այս պարագայում Բրայզայի կարծիքին` սեփական ազատությունը վճռելուց առաջ: ԱՄՆ-ն վաղուց է ցույց տվել իրական լեգիտիմության գոյության օրինակը, կարծում է Մոդեստ Կոլերովը: Հիշեցնենք, որ 2005թ.-ին Մեթյու Բրայզան նշանակվեց Եվրոպական և եվրասիական հարցերով ԱՄՆ Պետքարտուղարի օգնականի տեղակալ, իսկ մեկ տարի անց զբաղեցրեց ԵԱՀԿ Մինսկի խմբի ամերիկյան համանախագահի պաշտոնը: Այդ պաշտոնում նա աշխատեց մինչև 2009թ.: 2007-ին ամերիկացի դիվանագետը ամուսնացավ Նիկսոնի կենտրոնի միջազգային անվտանգության և էներգետիկայի ծրագրի ղեկավար, ազգությամբ թուրք Զեյնո Բարանի հետ: 2011-ի փետրվարից 2012-ի հունվարը Բրայզան զբաղեցրեց Ադրբեջանում ԱՄՆ-ի դեսպանի պաշտոնը:
Главная / Նորություններ / Բարանի ամուսինը. ԱՄՆ-ի Պետքարտուղարի նախկին օգնականը Լեռնային Ղարաբաղի ազատ ընտրությունների մասին
Смотрите также
Վերին Լարսն առանց խցանումների. Ռուսաստանում Հայաստանի առևտրի ներկայացուցիչը՝ կանաչ միջանցքի շահեկան լինելու մասին
Հայաստանյան ավտոմեքենաներն անցնում են Վերին Լարսի անցակետը «կանաչ միջանցքով» և առանց ձգձգումների: Այս մասին Հայաստանի …