Իրանյան Press TV հեռուստաընկերությունը հաղորդում է, որ Իրանը շահագործման է հանձնել գազի համակարգային նախապատրաստման նոր սարքավորումը, որը կօգնի պետությանը կրկնակի ավելացնել բնական գազի մատակարարումը Թուրքիա, Հայաստան և Ադրբեջան:
Իրանն այսօր ի վիճակի չէ կրկնակի ավելացնել գազի արտահանումը հետևյալ պատճառներով. առաջին, խիստ ավելանում է գազի պահանջարկը երկրի ներսում և էլեկտրաէներգիայի մշակման հարցում անցում է կատարվում գազին; երկրորդ, Իրանի գազային արտադրությունը հսկայական ներդրումների կարիքն ունի, որոնք նախատեսված չեն մինչև 2017թ., RUSARMINFO –ի հետ զրույցում նշել է ԱՊՀ երկրների ինստիտուտի կովկասյան բաժնի ղեկավար Վլադիմիր Եվսեևը:
«Այս պատճառներից զատ, ոչ պակաս դերակատարում ունի նաև իրանյան գազի բարձր գինը Թուրքիայի համար, որը իրանյան գազի ամենախոշոր սպառողն է: Անկարան չի գնի ավելի մեծ ծավալով իրանյան երկնագույն վառելիքը, քանի որ ռուսաստանյան և ադրբեջանական գազը շատ ավելի էժան են», — համոզված է փորձագետը:
Եվսեևի կարծիքով, իրանյան երկնագույն վառելիքի երկու հավանական ներկրողներից Ադրբեջանն իր երկրում ծածկում է գազի ներքին պահանջարկը, իսկ իրանյան գազի վերարտահանումը դժվար թե նախատեսված է Բաքվի ծրագրերում: Միակ երկրիրը, որտեղ Իրանը կարող է ավելացնել գազի մատակարարման ծավալները, Հայաստանն է, բայց այն ևս հավելյալ վառելիքի կարիքը չունի, քանի որ երկիրը դանդաղ է զարգանում: Ստացվում է, որ գազի կամ այլ արտադրանքի արտահանման մասին իրանյան կողմի հայտարարությունները հետապնդում են զուտ քաղաքական նպատակներ:
«Նման հայտարարությունների օգնությամբ Իրանը փորձում է պահպանել իր ազդեցությունը Հարավային Կովկասում: Սա հնարավորություն է հանդես գալ որպես լուրջ դերակատար, որի հետ պետք է հաշվի նստել: Բացի այդ, Իրանի ղեկավարությանն անհրաժեշտ է ցույց տալ երկրի բնակչությանը, որ պետությունն արագընթաց զարգանում է, իսկ ընտրված քաղաքականությունն արդարացված է: Նրանց առջև դրված է վերընտրվելու խնդիրը», — կարծում է փորձագետը:
Հիշեցնենք, որ հուլիսի կեսերին Թեհրանն ու «վեցնյակը» հաջողությամբեզրափակեցին Իրանի ատոմային ծրագրի շուրջ բանակցությունները: Թեհրանը համաձայնեց զգալիորեն սահմանափակել ուսումնասիրություններն այս ոլորտում և հրաժարվեց ատոմային զենք ստեղծելու կամ ձեռք բերելու փորձերից: Պատժամիջոցների չեղարկման դիմաց «վեցնյակն» ու Թեհրանը համաձայնեցին ակտիվացնել տնտեսական համագործակցությունը` ապահովելով Իրանի մուտքը դեպի արտաքին շուկաներ: