Միխայիլ Դելյագին. Եթե Հայաստանը ի վիճակի չէ ապահովել սեփական օրենքների իրագործումը, ապա դա ռուսաստանյան ընկերությունների խնդիրը չէ — Rusarminfo
Понедельник , Август 21 2017
ВАЖНОЕ
Главная / Նորություններ / Միխայիլ Դելյագին. Եթե Հայաստանը ի վիճակի չէ ապահովել սեփական օրենքների իրագործումը, ապա դա ռուսաստանյան ընկերությունների խնդիրը չէ

Միխայիլ Դելյագին. Եթե Հայաստանը ի վիճակի չէ ապահովել սեփական օրենքների իրագործումը, ապա դա ռուսաստանյան ընկերությունների խնդիրը չէ

Օրեր առաջ հայտնի դարձավ, որ Հայաստանի կառավարությունը դիտարկում է 4 միջազգային կազմակերպությունների թեկնածությունը` «Հայկական էլեկտրական ցանցեր»-ում աուդիտ անցկացնելու նպատակով: Վարչապետը հայտարարել է, որ այդ մասին տեղեկատվությունն ուղարկվել է «Հայկական էլեկտրացանցեր» համատեղ որոշում կայացնելու համար:

«Ողջ գործընթացը կլինի թափանցիկ: Աուդիտը կտա բոլոր հարցերի պատասխանը», — նշել է Հովիկ Աբրահամյանը հայաստանցի լրագրողների հետ շփման ժամանակ:

Այդուհանդերձ, վարչապետը չի նշել նախատեսվող աուդիտի անցկացման ժամկետներն ու թեկնածու կազամկերպությունների անվանումները:

«RUSARMINFO»-ի հետ զրույցում Գլոբալիզացիայի խնդիրների ինստիտուտի տնօրեն Միխայիլ Դելյագինը համոզմունք է հայտնել, որ աուդիտի ցանկացած արդյունք, որը թույլ կտա ռուսաստանյան ընկերությանը շարունակել իր գործունեությունը Հայաստանում, հայ հասարակության կողմից կընկալվի որպես ամբողջական պարտություն:

«Հայաստանյան հասարակությունը կարծում է, որ Ռուսաստանը պետք է միշտ վճարի: Եթե Հայաստանը նախընտրում է մտածել, որ ամեն ինչում մեղավոր են ռուսները, ապա թող Հայաստանում գործեն ամերիկյան ընկերությունները, ապրե’ք ինչպես Մոլդովան, եղե’ք ուրախ, անհոգ և երջանիկ»:

Դելյագինի կարծիքով, Հայաստանում հայկական կամ ամերիկյան ընկերությունների հանդեպ դժգոհություններ չեն ներկայացվում, ամենուր և միշտ ներկայացվում են ռուսաստանյան ընկերությունների հանդեպ դժգոհություններ: «Ռուսաստանյան ընկերությունները Հայաստանում գործում են այդ երկրի օրենքների համաձայն: Եթե Հայաստանն ի վիճակի չէ ապահովել սեփական օրենքների իրագործումը, ապա դա ռուսաստանյան ընկերությունների խնդիրը չէ: Իսկ եթե ձեր կառավարությունն ի վիճակի չէ էլեկտրաէներգիայի սակագնի վերաբերյալ աուդիտ անցկացնել, ապա դա ձեր կառավարության խնդիրն է»: Դելյագինի կարծիքով, ռուսաստանյան ընկերությունների նկատմամբ դժգոհություններ ներկայացնելը, ընդհանուր առմամբ, պայմանավորված է այն հանգամանքով, որ Ռուսաստանի հանդեպ ատելությունը ողջ հետխորհրդային տարածքում դարձել է նորաձև: «Ելնելով այն տրամադրվածությունից, որը ես նկատում եմ իմ հայ գործընկերների շրջանում, ստացվում է, որ Ռուսաստանն է մեղավոր ամեն ինչում: Ես կարծում եմ, որ պետք է ընդառաջել նման մոտեցմանն ու դուրս բերել Հայաստանից ռուսական ռազմաբազան` տալով հնարավորություն սեփական ուժերին ապավինել: Իմաստ չկա ընկերություն անել նրանց հետ, ովքեր չեն ցանկանում մեզ հետ լինել», — ասում Միխայիլ Դելյագինը:

Հիշեցնենք, որ «Հայկական էլեկտրական ցանցեր»-ում անկախ աուդիտ անցակցնելու ՀՀ նախագահի որոշումը կայացվել է Երևանում և այլ քաղաքներում տեղի ունեցած զանգվածային ցույցերի արդյունքում, որի շրջանակներում էլ ցուցարարները պահանջում էին չեղարկել Հայաստանի Հանրային ծառայությունները կարգավորող հանձնաժողովի հունիսի 17-ի որոշումը, ըստ որի էլեկտրաէներգիայի սակագինը ընկերության առաջարկով բարձրացվել է 7 դրամով յուրաքանչյուր կլվտ/ժ-ի դիմաց:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …

ADISORD DESIGN