90 մլն դոլար Թբիլիսիի վերականգնման համար — Rusarminfo
Воскресенье , 27 сентября 2020
Главная / Նորություններ / 90 մլն դոլար Թբիլիսիի վերականգնման համար

90 մլն դոլար Թբիլիսիի վերականգնման համար

Ուժգին ջրհեղեղից տուժած Թբիլիսիի թաղամասերն ամբողջությամբ մաքրվել են, իսկ տրանսպորտի աշխատանքը` վերականգնվել: Այդուհանդերձ, վրացական մայրաքաղաքի բնակչությանն այսօր առավել անհանգստացնում է ջրհեղեղի արդյունքում կորցրած ունեցվածքի փոխհատուցման հարցը: “Այս հարցն արդեն քննարկվում է ամենաբարձր մակարդակում”, — ասում է Վրաստանում ՀԱԵ Հայոց թեմի մամլո դիվան Սուսաննա Խաչատուրյանը:

Նշենք, որ Համաշխարհային բանկի փորձագետները Թբիլիսիի ղեկավարությանն արդեն ներկայացրել են առաջնային կարիքների գնահատման հաշվարկները. վնասը, որը կրել են մարդիկ ևւ ենթակռուցվածքը, կազմում է 70 մլն լարի (մոտ 30 մլն դոլար): Բայց, հաշվի առնելով այն գումարը, որն անհրաժեշտ է նոր վայրում կենդանաբանական այգի կառուցելու համար, այդ թիվը կազմում է մոտ 200 մլն լարի (մոտ 90 մլն դոլար):

Սուսաննա Խաչատրյանը հայտնել է նաև, որ տուժածներին օգնություն ցուցաբերելու նպատակով 100 վրացական մասնավոր ընկերության հանգանակությունների շնորհիվ հավաքվել է 18 մլն լարի (մոտ 8 մլն դոլար):

Հավելենք, որ Վրաստանի նախկին վարչապետ Բիձինա Իվանիշվիլին ևս տուժածներին օգնություն ցուցաբերելու նպատակով տրամադրել է 10 մլն լարի (մոտ 4,5 մլն դոլար):

Հիշեցնենք, որ ուժգին ջրհեղեղի արդյունքում Թբիլիսիում վնասի են ենթարկվել բնակելի շենքերն ու ճանապարհները, ենթակառուցվածքային շենքերը, այդ թվում նաև` ավերվել է մայրաքաղաքի կենդանաբանական այգու տարածքը: 19 մարդ զոհվել է ջրհեղեղի արդյունքում, երեք անձ դեռևս համարվում է անհայտ կորած:

Добавить комментарий

Смотрите также

Վերին Լարսն առանց խցանումների. Ռուսաստանում Հայաստանի առևտրի ներկայացուցիչը՝ կանաչ միջանցքի շահեկան լինելու մասին

Հայաստանյան ավտոմեքենաներն անցնում են Վերին Լարսի անցակետը «կանաչ միջանցքով» և առանց ձգձգումների: Այս մասին Հայաստանի …