Rusarminfo Российско-Армянское информационное агентство
Երկար տարիների ընթացքում առաջին անգամ ընտրված Թուրքիայի խորհրդարանի հայազգի պատգամավոր Սելինա Դողանը հայտարարել է, որ երբևէ չի ների նախագահ Էրդողանին հետևյալ խոսքերի համար. «Կներեք, բայց ինձ նույնիսկ հայ են անվանել»: Նա նշել է, որ երբ հանդիպի Էրդողանին, նրան անպայման կասի հետևյալ խոսքերը. «Կներեք, բայց ես հայուհի եմ»: Պատգամավոր Դողանը մտադիր է պայքարել խոսքի ազատության համար` ընդդեմ այնպիսի արտահայտությունների, որոնք ատելություն են սերմանում: «Բայց ես միայն հայերի հետ չեմ աշխատելու, քանզի ալավիթների, քրդերի և հույների հետ ևս անարդար են վարվում: Ընդհանուր առմամբ, մենք ունենք լուրջ խնդիրներ, որոնք կապված են ոչ մահմեդական փոքրամասնությունների հետ: Ամենը սկսվում է ատելությունից», — նշել է Սելինա Դողանը` հայտարարելով, որ ներկայումս Թուրքիայում տեղի է ունենում «մշակութային ցեղասպանություն»: Հիշեցնենք, որ Ժողովրդա-հանրապետական ընդդիմադիր կուսակցությունից ընտրված սոցիալ-դեմոկրատ պատգամավոր Սելինա Դողանը ընտրություններին մասնակցում էր Ստամբուլի հայ համայնքի կողմից:
