Rusarminfo Российско-Армянское информационное агентство
Ցանկացած երկրի ցանկացած իշխանություն՝ այդ թվում նաև Հայաստանի, պարտավոր է առավելագույնս հետևողական լինել այն պահանջներին, որոնք ներկայացնում է հասարակությունը: Այս մասին, մեկնաբանելով Հայաստանում տեղի ունեցող բողոքի ցույցերը, RUSARMINFO-ի հետ զրույցում ասել է ՌԴ Պետդումայի պատգամավոր, ԱՊՀ, Եվրասիական ինտեգրման և համագործակցության հարցերով հանձնաժողովի անդամ Վասիլի Լիխաչովը: «Ակնհայտ է, որ էներգետիկ անվտանգության թեման հայ հանրության համար եղել է, կա և կլինի արդիական: Առաջին դասը, որ մենք՝ այդ թվում նաև իշխանության ներկայացուցիչներս պետք է քաղենք այդ իրադարձություններից, դա քաղաքական և տնտեսական գործընթացներին հնարավորինս մեծ ուշադրության ու բովանդակալից վերաբերմունքի ցուցադրումն է», — ասում է Լիխաչովը: Պատգամավորի խոսքերով՝ երևանյան վերջին դեպքերը ցույց տվեցին, որ իշխանության և հասարակության միջև պետք է լինի քաղաքակիրթ բնույթ կրող համակարգային երկխոսություն: Իսկ Սերժ Սարգսյանի՝ բողոքի ակցիայի մասնակիցների հետ հանդիպելու և խոսելու որոշումը ուղղված էր այդ իրադրությունից ժողովրդարական ելք գտնելուն: Մեկնաբանելով այն կարծիքը, թե երևանյան իրադարձությւոնները զարգանում են ուկրաինական մայդանի սցենարով, Լիխաչովը նշեց, որ իր կարծիքով հայ ժողովուրդը մայդան չէր ուզում: Իսկ ինչ վերաբերում է այլ երկրներում գործող ռուսական բիզնեսին, ապա պատգամավորը ընդգծեց, որ այդ բիզնեսը պետք է լինի առավելագույնս պատասխանատու այլ երկրներում իր քայլերի և գործողությունների նկատմամբ՝ այդ թվում նաև եղբայրական Հայաստանի տարածքում: Մենք բոլորս պետք է հետևություններ անենք հայաստանյան իրադարձություններից, առավել ևս, որ Հայաստանը Եվրասիական միության, ԱՊՀ և ՀԱՊԿ լիիրավ անդամ է: Մենք մեծ ուշադրությամբ հետևելու ենք Հայաստանում իրադարձությունների զարգացմանը:
Последние новости
Смотрите также
Փորձագետ. «Բաքվի սպառնալիքի շուրջ Սարգսյանի հայտարարությանը Ղազախստանն ու Բելառուսը հրապարակավ չեն սատարի»
Մայիսի 31-ին Աստանայում տեղի ունեցավ ԵԱՏՄ անդամ պետությունների նախագահների հանդիպումը: Իր ելույթում Հայաստանի նախագահ Սերժ …