Ռուսական «ИНТЕР РАО»-ն կողմ է Հայաստանում էլեկտրաէներգիայի սակագնի բարձրացմանը — Rusarminfo
Четверг , Ноябрь 23 2017
ВАЖНОЕ
Главная / Նորություններ / Ռուսական «ИНТЕР РАО»-ն կողմ է Հայաստանում էլեկտրաէներգիայի սակագնի բարձրացմանը

Ռուսական «ИНТЕР РАО»-ն կողմ է Հայաստանում էլեկտրաէներգիայի սակագնի բարձրացմանը

«Հայաստանի էլեկտրացանցեր» ՓԲԸ, որը պատկանում է  «ИНТЕР РАО»  ռուսական ԲԲԸ, մայիսի 8-ին էլեկտրաէներգիայի սակագնի բարձրացման հայտ է ներկայացրել Հանրային ծառայությունները կարգավորող հանձնաժողով: Հայտում ընկերությունն առաջարկել է սպառողների համար էլեկտրաէներգիայի սակագինը բարձրացնել  17,08 դրամով,  41,85 դրամից   58,93 դրամ ( ցերեկային սակագին), 31,85 դրամից 48, 93 դրամ (գիծերային սակագին): Որպես նման որոշման հիմնավորում «Հայաստանի էլեկտրացանցեր» ՓԲԸ ղեկավարությունը բերում ստեղծված իրավիճակը, երբ գործող ցածր սակագնի պատճառով ընկերությունը մեծ վնասներ է կրում, եւ իվիճակի չէ գործունեություն ծավալել: Ինչպես թանկացման մասին առաջարկը, այնպես էլ այդ որոշման  հիմնավորումը հայ սպառողների բացասական արձագանքին արժանացավ: Նկատի ունենալով հարցի հնչեղությունը՝ «ՌՈՒՍԱՐՄԻՆՖՈ» -ն մեկնաբանությւոններ համար դիմել է «ИНТЕР РАО»  ԲԲԸ մամլո-ծառայությանը: Ներկայացնում ենք «ՌՈՒՍԱՐՄԻՖՈ» -ի հարցման պաշտոնական պատասխանը «ՌՈՒՍԱՐՄԻՆՖՈ» — Ներկայացրեք  «ИНТЕР РАО»  ԲԲԸ   պաշտոնական դիրքորոշումը էլեկտրաէներգիայի սակագնի բարձրացման հետ կապված Մամլոծառայություն Հայկական կողմի ընդունած սակագնային որոշումներն ու գնագոյացման մեխանիզմների շտկումը թույլ չեն տալիս  «Հայաստանի էլեկտրացանցեր» ՓԲԸ ապահովել առանց վնասների գործունեություն: Իհարկե, սակագնային որոշումները բնակչության կողմից միշտ քննադատաբար են ընդունվում, սակայն, այս դեպքում խոսքը գնում է էլեկտրացանցերի կայուն աշխատանքի մասին: Որքան ցածր է սակագինը, այնքան ավելի մեծ է ընկերությունում դրամային միջոցների դեֆիցիտը և այդքան էլ ավելի դժվար է միջոցների ներգրավումը: Սա դանդաղորեն պայթող ռումբի է նման: Եթե սակագինը փոխել ոչ բավարար չափով, մեկ տարի անց ընկերությանը գոյատևելու համար սակագնի ավելի մեծ փոփոխություն անհրաժեշտ կլինի: «ՌՈՒՍԱՐՄԻՆՖՈ» — Որքանո՞վ է համաձայնեցված «Հայաստանի էլեկտրացանցեր» ՓԲԸ   նախաձեռնությունը «ИНТЕР РАО»  ԲԲԸ հետ: Մամլոծառայություն «Հայաստանի էլեկտրացանցեր» ՓԲԸ-ը հանրային ծառայությունները կարգավորող հանձնաժողովին ներկայացրել է հաշվարկները : Հիմա հանձնաժողովը պետք է գնահատական տա դրանց: «ՌՈՒՍԱՐՄԻՆՖՈ» — Արդյո՞ք «ИНТЕР РАО»  ԲԲԸ  «Հայաստանի էլեկտրացանցեր» ՓԲԸ-ի հիմնավորումը բավարար է համարում սակագինը բարձրացնելու համար: Մամլոծառայություն  — 2014թ-ին փոփոխված էներգաբալանսը, որը կապված էր ՀԷԿ-երի արտադրության կրճատման և Ատոմակայանի պարապուրդի հետ, «Հայաստանի էլեկտրացանցերում» 27,6 մլրդ դրամի դեֆիցիտի առաջացրեց: Այդ գումարից 5,4 մլրդ դրամը, համաձայն ընկերության սակագնային մարժայի հաշվարկման մեթոդիկայի ներկայիս կանոնադրության, չի  փոխհատուցվելու: Ներկա սակագնային տարում էներգաբալանսի հետ կապված խնդիրները շարունակվում են և հավելյալ վնասները  կանխատեսվում են 10 մլրդ դրամի չափով: Եվ սա ի հավելումն ներկայիս վնասների ծավալին: Առաջացած վնասների փոխհատուցումը հնարավոր է միայն ընկերության ազատ միջոցների հաշվին, որոնք մնացել են պարտադիր ծախսերը կատարելուց հետո: Նման միջոցների ձևավորման հարցերը, որպես կանոն, քննարկվում են սակագնի փոփոխման ընթացքում: Արդյո՞ք հնարավոր է լուծել այս հարցերը առանց սակագնի բարձրացման: Այս հարցին կարող է պատասխանել միայն հանրային ծառայությունները կարգավորող հանձնաժողովը: «ՌՈՒՍԱՐՄԻՆՖՈ» — Կատարվու՞մ են արդյոք  քայլեր «Հայաստանի էլեկտրացանցեր»-ի վնասների կրճատմանն ուղղությամբ: Մամլոծառայություն  — «Հայաստանի էլեկտրացանցեր»-ը մաքսիմալ օգտագործում է ծախսերի կրճատման հնարավորությունները: Ընկերությունն օգտագործում է «ИНТЕР РАО» ի փորձը, որը Ռուսաստանում ամենաարդյունավետներից մեկն է էներգետիկայի բնագավառում: Սակայն, «Հայաստանի էլեկտրացանցեր»-ի հնարավորությունները մեծ հաշվով արդեն սպառված են: Ներկա իրավիճակից դուրս գալու համար անհրաժեշտ են հետևյալ քայլերը՝ «Հայաստանի էլեկտրացանցեր»-ի պարտքի ֆիքսումը, դրա մարման մեխանիզմների և ժամկետի մշակումը, ճգնաժամային իրավիճակի ստեղծամն պատճառնների վերլուծությունն ու այդ պատճառների վերացման քայլերի մշակումը: Հարկավոր է վերանայել մեծածախ շուկայի պայմաններն այնպես, որ շուկայի յուրաքանչյուր մասնակից պատասխանատվություն կրի էլեկտրաէներգիայի արտադրության պլանային պարտավորությունների խախտման դեպքում: Այս դեպքում բոլորը կսկսեն ավելի մեծ պատասխանատվությամբ աշխատել և ծրագրավորած ցուցանիշների շեշտակի շեղումներից հնարավոր կլինի խուսափել:

Смотрите также

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի …