ԱՊՀ երկրների ինստիտուտի Կովկասի բաժնի ղեկավար Վլադիմիր Եվսեևը հայտարարել է, որ ուկրաինական ճգնաժամի պայմաններում նվազել է Լեռնային Ղարաբաղի խնդրի նկատմամբ հետաքրքրվածությունը, սակայն պատերազմի հավանականությունն ավելացել է: Փորձագետի կարծիքով, դա պայմանավորված է նրանով, որ այս պահին ճակատային գծում լարվածության սրացում է նկատվում։ Բացի այդ ընդլայնված սադրանքների փորձերը կարող են բերել ԼՂ–ի տարածքում իրադարձությունների զարգացմանը և զինված հակամարտությանը: «Փոխվել է ռազմական գործողությունների իրականացման մարտավարությունը, այն դարձել է ավելի դիվերսիոն։ Ի հայտ են եկել սպառազինությունների նոր նմուշներ», — ասել է նա:
Եվսեևը հավելել է, որ Ադրբեջանը արհեստականորեն սրում է իրավիճակը։ Դրա համար մի քանի պատճառ կա։ Ադրբեջանի ղեկավարությանը թվում է, թե իր ռեսուրսները կարող են չբավարարել, քանի որ նավթի գինն իջել է։ Բացի այդ` Ադրբեջանը սկսել է նկատել, որ ուկրաինական ճգնաժամի պայմաններում նվազել է ԼՂ–ի խնդրի նկատմամբ հետաքրքրվածությունը: