ԱՄՆ կօգնեն Հայաստանին կարգավորել հարևանների հետ հարաբերությունները

ՀՀ նախագահ Սերժ Սարգսյանի Վաշինգտոն աշխատանքային այցի շրջանակում երկու երկրներն «Առեւտրի եւ ներդրումների» մասին շրջանակային համաձայնագիր կստորագրեն: Այս մասին նշվում է Ամերիկայի Հայ դատի հանձնախմբի (ANCA) հայտարարության մեջ, որը հաստատել է Հայաստանում ԱՄՆ դեսպան Ռիչարդ Միլսը: Հանձնախմբի ատենապետ Քեն Խաչիկյանն ասել է, որ երկկողմանի համաձայնագիրը ANCA-ի կարեւոր առաջնահերթություններից մեկն է: Խաչիկյանն իր խոսքում նշել է պայմանագրի կարևորագույն օգուտները, դրանց թվում են. տարածաշրջանային հարցերում առեւտրի ոլորտի աջակցությունը, այդ թվում՝ Թուրքիայի և Ադրբեջանի շրջափակման հետևանքով առաջացած դժվարությունների պայմաններում: Երկու կողմերի համար կարևոր է նաև ԱՄՆ Արտահանման-ներմուծման բանկի, ԱՄՆ Առևտրի և տնտեսական գործակալության ծրագրերի արդյունավետության քննարկումը: «Նոր պայմանագիրը խթան կհանդիսանա Սփյուռքից եկող ներդրումների, ամերիկյան առևտրային GSP համակարգից օգտվելու ընդլայնման համար, որում ներառված է նաև Հայաստանը», — ասել է  Խաչիկյանը: