Սերգեյ Մարկեդոնով. «Լեռնային Ղարաբաղում ակտիվ ռազմական գործողությունների վերսկսումը Հայաստանին դիվիդենտներ չի տա»

Հայաստանի Պաշտպանության նախարար Սեյրան Օհանյանը հույն գործընկեր Պանայոտիս Կամմենոսի հետ միասին մեղադրել է Թուրքիային «Իսլամական պետությանը» օժանդակելու մեջ: Նախարարի խոսքով` Թուրքիայի գործողությունները, որոնք առնչվում են Հայաստանի ռազմավարական դաշնակցի շահերին, վնաս են հասցնում ահաբեկչության դեմ միջազգային պայքարին:

Նման հայտարարությամբ հանդես գալու համար հայկական կողմին անհրաժեշտ էր ժամանակ, և տարօրինակ կլիներ, եթե նման հայտարարություն հնչեր ավելի վաղ. փոքր պետությունները մշտապես երկար ժամանակ են տարուբերում իրենց գործողությունները, — ասում է ՌՊՀՀ տարածաշրջանի և արտաքինքաղաքականության ամբիոնի դոցենտ Սերգեյ Մարկեդոնովը:

«Հայաստանին պետք է զբաղեցնել զգուշավոր դիրքորոշում ռուս-թուրքական առճակատման հարցում, որովհետև այն ձեռտու չէ ոչ Հայաստանին և ոչ առավել ևս Ռուսաստանին: Նրանք, ովքեր պնդում են, որ ռուս-թուրքական հարաբերությունների վատթարացումից Հայաստանը կստանա դիվիդենտներ, ոչ այնքան ճիշտ են պատկերացնում իրավիճակը: Չեմ կարծում, որ Լեռնային Ղարաբաղում ակտիվ ռազմական գործողությունների փուլը դիվիդենտ է Հայաստանի համար », —RUSARMINFO-ի հետ զրույցում ասել է Մարկեդոնովը:

Ըստ քաղաքագետի` Թուրքիայի հետ առճակատումն առաջին հերթին ձեռնտու չէ Ռուսաստանին, քանի որ Թուրքիան ևս տիրապետում է բազում գործիքների, որոնցով կարող է ազդել Ռուսաստանի ցավոտ կետերի վրա:

Փորձագետը կարծում է նաև, որ չպետք է զարմանալ ՀԱՊԿ անդամ պետությունների դիրքորոշման վրա, որոնք բացահայտ աջակցություն չեն հայտնում Սիրիայում Ռուսաստանի կողմից իրականացվող գործողություններին:

«Պետք չէ գերագնահատել ՀԱՊԿ-ը: Սա ՆԱՏՕ-ն չէ: Սա ինտեգրացիոն կառույց է, որ գտնվում է իր ձևավորման փուլում: Թե ուր կհասնի այն, դեռևս հայտնի չէ: Ռուս-թուրքական առճակատումը չպետք է դիտել որպես ՀԱՊԿ-ի և Թուրքիայի միջև առճակատում: Անշուշտ, Հայաստանին այդ հակամարտությունն ավելի շատ է վերաբերում, քան Բելառուսին », — նշել է Սերգեյ Մարկեդոնովը:

Նշենք, որ ռուսաստանյան Սոձ-24-ի խոցման միջադեպից հետո Հայաստանի բարձրաստիճան ղեկավարությունը չէր արձագանքել տեղի ունեցածին: Պաշպանության նախարարի հայտարարությունը, որում նա քննադատում է Թուրքիայի գործողությունները, Հայաստանի իշխանությունների առաջին պաշտոնական արձագանքն է: