ՌԴ ԶՈւ հարավային ռազմական շրջանի՝ Հայաստանում տեղակայված 102-րդ ռազմաբազան համալրվել է ռուսաստանյան արտադրության «Տախիոն» հետախուզական անօդաչու թռչող սարքերով (ԱԹՍ): Այս մասին հունվարի 11-ին հայտնում է ՌԴ ՊՆ մամուլի ծառայությունը:
«Տախիոն» ԱԹՍ-ն նախատեսված է մինչև 40 կմ հեռավորության վրա ռազմական հետախուզություն կատարելու համար ցերեկային և գիշերային ժամերին, տարբեր ոչ բարենպաստ եղանակային և վայրկյանում 15 մետր ուժգնության հասնող քամու պայմաններում», — նշված է ՀՌՇ հաղորդագրության մեջ:
Մեկ ամսվա ընթացքում Հայաստանի բարձրլեռնային «Կամխուդ» և «Ալագյազ» զորավարժարաններում կանցկացվեն նոր ԱԹՍ-ների կառավարման յուրացմանն ուղղված վարժանքներ:
Հիշեցնենք, որ ՀՌՇ մամլո ծառայությունը ավելի վաղ հայտնել էր, որ Հայաստանի «Էրեբունի» օդանավակայանում տեղակայված ռուսաստանյան ավիաբազան 2016-ին կհամալրվի վերանորոգված ՄիԳ-29 կործանիչներով և մեկ Մի-8 բեռնատար ուղղաթիռով։