Մայիսի 14-ին Հայաստանի կառավարությունը երկրում «Սփայս» թմրամիջոցն արգելող որոշում է կայացրել:
«Իրավապահ մարմիններում աշխատանքային խորհրդակցությունների ընթացքում պարզվել է, որ դիզայներական թմրամիջոցները, որոնք աշխարհում հայտնի են «Սփայս» անունով, արդեն ներմուծվում են Հայաստան: ԵՏՄ մյուս երեք երկրներում, ինչպես նաեւ Ուկրաինայում եւ մի շարք այլ երկրներում նմանատիպ միջոցներն արդեն արգելված են» , — ասել է ՀՀ ոստիկանապետ Վլադիմիր Գասպարյանը:
Հիշեցնենք, որ դիզայներական թմրամիջոցները, որոնք հայտնի են «Սփայս» անունով, հայտնի թմրամիջոցների սինթետիկ կրկնօրինակն են, բայց կազմության աննշան տարբերություններ ունեն, որոնց պատճառով դրանք ֆորմալ առումով չեն համարվում արգելված: