Tuesday , 28 March 2017
ruenam
Download Free Designs http://bigtheme.net/ Free Websites Templates
Home / Նորություններ / Ռուսաստանցի ռազմական փորձագետը Հայաստանի ՊՆ-ում տեղի ունեցած պաշտոնանկությունների մասին

Ռուսաստանցի ռազմական փորձագետը Հայաստանի ՊՆ-ում տեղի ունեցած պաշտոնանկությունների մասին

ՀՀ նախագահ Սերժ Սարգսյանը պաշտոնանկ է արել ՊՆ մի շարք բարձրաստիճան պաշտոնյաների: Զբաղեցրած պաշտոններից ազատվել են Պաշտպանության նախարարի տեղակալ, նյութատեխնիկական ապահովման դեպարտամենտի պետ Ա.Միրզաբեկյանը, ՀՀ ԶՈՒ Գլխավոր շտաբի հետախուզության վարչության պետ Ա.Կարապետյանը, ՀՀ ԶՈՒ Կապի զորքերի պետ, կապի և ավտոմատացված կառավարման համակարգերի վարչության պետ Կ.Մուրադյանը: Այս մասին հաղորդում է նախագահի մամլո ծառայությունը:

Այդ պաշտոնանկությունները կանխատեսելի էին, դրանք Լեռնային Ղարաբաղում վերջին շրջանում տեղի ունեցած ռազմական գործողություններին հետևանքներն են, – ասում է ռազմական փորձագետ, ԱՊՀ երկրների ինստիտուտի եվրասիական ինտեգրման և ՇՕՍ-ի զարգացման բաժնի ղեկավար Վլադիմիր Եվսեևը:

«ԼՂ պաշտպանության բանակի և Ադրբեջանի շփման գծում տեղի ունեցած չորսօրյա պատերազմի ժամանակ նյութատեխնիկական ապահովումը ծայրահեղ անբավարար է եղել. որոշ տվյալներով, երբեմն նկատելի է եղել նաև զինամթերքի պակասը: Բացահայտ դարձավ, որ Ադրբեջանի ԶՈՒ-ի կողմից նախապատրաստվող հարձակման մասին ժամանակին տեղեկատվություն չի ստացվել», – RUSARMINFO-ի հետ զրույցում ասել է Վլ. Եվսեևը:

Ըստ Եվսեևի՝ պաշտոնանկության հարցում կարևոր դերակատարում ունեցավ այն, որ մինչև ժամանակավոր հրադարար հայտարարելը հայկական կողմին չհաջողվեց ազատագրել որոշ բարձրունքներ, որոնք զբաղեցրել էր ադրբեջանական կողմը:

Ռազմական փորձագետը վստահ է, որ նոր պաշտոնանկություններ ռազմական գերատեսչությունում չեն լինի, այդուհանդերձ, եթե չձեռնարկվեն համապատասխան միջոցներ սխալների շտկման ուղղությամբ, ապա պատերազմը ամռանը կվերսկսի:

Հիշեցնենք, որ ԼՂ հակամարտության գոտում իրավիճակը սրվեց ապրիլի 1-ի լույս 2-ի գիշերը: Ապրիլի 5-ին Հայաստանի, Ադրբեջանի և Ռուսաստանի Զինված ուժերի գլխավոր շտաբերի ղեկավարները Մոսկվայում կայացած հանդիպմանը պայմանավորվածություն ձեռք բերեցին ռազմական գործողությունների դադարեցման վերաբերյալ:

տես նաեւ

Փորձագետ. «Աշխարհի բոլոր քրիստոնյաները պետք է արձագանքեն Էրդողանի որոշմանը՝ վերածելու Սուրբ Սոֆիայի տաճարը մզկիթի»

Թուրքիայի ԱԳ նախարարությունը տարածել է հայտարարություն՝ ի պատասխան Հունաստանի քննադատությանը Ստամբուլի Սուրբ Սոֆիայի տաճարը մզկիթի ...

Leave a Reply

Войти с помощью: 
error: Content is protected !!